Türkiýe Ysraýylyň soňky kararyny ýazgardy...
Türkiýäniň hökümeti Ysraýylyň täze ýaşaýyş ýerlerini gurmak barada kabul eden kararyny ýazgardy
![Türkiýe Ysraýylyň soňky kararyny ýazgardy...](http://cdn.trt.net.tr/images/xlarge/rectangle/5c6f/06cd/b594/59ccedf513a07.jpg?time=1719070298)
Türkiýäniň Daşary işler ministrligi Ysraýylyň bikanun gurulan ýaşaýyş ýerlerinde ýene-de 1 müňden gowrak goşmaça jaý gurmak barada karar kabul etmegi we palestinalylara garşy hetdenaşa güýç ulanmagy bilen bagly beýanat berdi.
Beýanatda: “Ysraýylyň resmileriniň gabaw astynda bolan Günbatar Şeriadaky bikanun gurulan ýaşaýyş ýerlerinde ýene-de goşmaça 1 müňden gowrak jaý gurmak barada karar kabul etmegini we basyp alyjy güýç tarapyndan ulanylýan hetdenaşa güýçleriň netijesinde Gazada we Nablusda 2 adamyň ýogalmagyny berk ýagdaýda ýazgarýarys” diýilýär.
Beýanatda mundan başgada: “Ysraýylyň hökümetiniň Palestinanyň halkynyň başda ýaşaýyş hukugy bolmak bilen adaty hukuklarynyň düzgünlerini bozýan, sebitde çaknyşyk howpynyň ýüze çykmagyna iterýän, halkara hukugy we BMG-niň degişli kararlaryny bozýan, halkara jemgyýetiň her dürli reaksiýasyny äsgermeýän bu jogapkärçiliksiz pozisiýasyny iň gysga wagtda bes etmegi hökmanydyr” diýilýär.
Degişli Habarlar
![Yragyň demirgazygynda bir esger şehit boldy](http://cdn.trt.net.tr/images/medium/rectangle/d70c/b012/6827/6675746308657.jpg?time=1719070299)
Yragyň demirgazygynda bir esger şehit boldy
Yragyň demirgazygyndaky Penje-Gulp operasiýasy sebitinde 1 esger şehit boldy