Türkiýe Kabulda medeniýet merkezine guralan terrorçylykly hüjümi ýazgardy
“Hyýanatçylykly terrorçylykly hüjümi näletleýäris"
877544
Türkiýe Owganystanyň paýtagty Kabulda medeniýet merkezine guralan terrorçylykly hüjümi ýazgardy.
Daşary işler ministrliginden berlen beýanatda Kabulda medeniýet merkezine guralan terrorçylykly hüjümde köp sanly adamyň ýogalmagyna we ýaralanmagyna uly gynanç bildirilýändigi nygtaldy.
Beýanatda “Hyýanatçylykly terrorçylykly hüjümi näletleýäris. Hüjümde ýogalanlara Alladan rehmet, owgan hökümetine we doganlyk owgan halkyna gynanç bildirýäris, hüjümde ýaralananlara şypa dileýäris” diýildi.
