Täze serkerdeler belli boldy

Premýer ministr Binaly Ýyldyrymyň ýolbaşçylyk etmeginde Çankaýa köşgünde geçirlen we 4 sagat dowam eden Ýokary harby şuranyň maslahatynda serkerdeleriň çinleri belli boldy.

Ýokary harby şuranyň maslahatynda kabul edilen kararlar hakynda beýanat beren Prezidentiň Metbugat sekretary Ibrahim Kalyn Gury ýer güýçleriniň serkerdeligine Žandarm güýçleriniň serkerdesi goşun generaly Ýaşar Güleriň, Deňiz güýçleriniň serkerdeligine Deňiz güýçlerinden adremal Adnan Özbalyň, Howa güýçleriniň serkerdeligine howa güýçlerinden serkerde goşun generaly Hasan Küçükakýüzüň bellenendigini aýtdy.

Kalyn Prezidentiň Kompleksinde beren beýanatynda Ýokary harby şuranyň maslahatynda kabul edilen kararyň Prezident R. T. Erdogan tarapyndan tassyklanandygyny nygtady.

Kalyn 30-njy awgustdan başlap 6 generalyň, 61polkownigiň çininiň ýokarlandygyny, 8 generalyň iş möhlediniň 1 ýyl, 159 polkownigiň iş möhlediniň hem 2 ýyl uzadylandygyny ýatlatdy.

Ibrahim kalyn Gury ýer güýçleriniň serkerdesi goşun generaly Zeki Çolagyň, Deňiz güýçleriniň serkerdesi admeral Rejep Bülent Bostanoglynyň, Howa güýçleriniň serkerdesi goşun generaly Abidin Ünalyň hormatly dynç alyşa çykandyklaryny belledi we 3 serkerdä Türk ýaragly güýçlerine goşan goşantlary üçin minnetdarlyk bildirdi.