Prezident Erdogan Belgiýada geçiriljek NATO maslahatyna gatnaşar
Türkiýäniň Prezidenti R.T. Erdogan 25-nji maýda Belgiýanyň paýtagty Brýusselde geçiriljek NATO agza ýurtlaryň döwlet we hökümet ýolbaşçylarynyň maslahatyna gatnaşar.
![Prezident Erdogan Belgiýada geçiriljek NATO maslahatyna gatnaşar](http://cdn.trt.net.tr/images/xlarge/rectangle/be68/3c88/af7f/59242315e532a.jpg?time=1719139171)
Prezidentiň Metbugat merkezinden berilen beýanata görä Türkiýäniň Prezidentiniň ýolbaşçylygyndaky wekiliýetiň gatnaşmagynda boljak maslahat NATO-nyň täze ştabynyň açylyşy sebäpli 25-nji maýda Brýusselde geçiriler.
Maslahatda halkara jemgyýetiň terrora garşy göreşinde NATO-nyň rolunyň güýçlendirilmegi barada pikir alyşylar.
NATO-Russiýa gatnaşyklary, NATO-nyň Owganystan bilen gatnaşygy, NATO-ÝB hyzmatdaşlygy ýaly meseleler maslahatda gün tertibe getiriler.
Türkiýäniň Prezidenti Erdogan maslahadyň çäginde käbir daşary ýurtly kärdeşleri bilen we şol sanda ÝB Geňeşiniň başlygy Donald Tusk we ÝB Komissiýasynyň başlygy Žan-Klod Ýunker bilen duşuşmagyna garaşylýar.
Degişli Habarlar
![Yragyň demirgazygynda bir esger şehit boldy](http://cdn.trt.net.tr/images/medium/rectangle/d70c/b012/6827/6675746308657.jpg?time=1719139172)
Yragyň demirgazygynda bir esger şehit boldy
Yragyň demirgazygyndaky Penje-Gulp operasiýasy sebitinde 1 esger şehit boldy