"Ykdysady hyzmatdaşlyk guramasy uly mümkinçilige eýe"
Çawuşogly Ykdysady hyzmatdaşlyk guramasynyň Söwda we galkynyş bankyna hem goldaw berilmelidigini nygtady
Daşary işler ministr Mewlüt Çawuşogly Ykdysady hyzmatdaşlyk guramasynyň sebitara gatnaşyklarda esasy rol oýnamagy üçin uly mümkinçilige eýedigini we şol mümkinçiliginden ýerlikli peýdalanylmagy üçin tagalla edilmelidigini nygtady.
Ministr Çawuşogoly Pakistanyň ýer eýeçiliginde Ykdysady hyzmatdaşlyk guramasynyň Ministrler derejesinde geçirlen 13-nji maslahatynda sözlän sözünde ilkinji nobatda sebitde ýerleşýän ýurtlaryň arasyndaky söwda gatnaşyklarynyň artdyrylmagy üçin Ykdysady hyzmatdaşlyk guramasynyň söwda şertnamasynyň güýje girmelidigini belledi.
Daşary işler ministri Çawuşogly gurama agza ýurtlara söwda şertnamasynyň güýje girmegi üçin öz jogapkärçiliklerini ýerine ýetirmekleri babatynda çagyryş berdi.
Çawuşogly Ykdysady hyzmatdaşlyk guramasynyň Söwda we galkynyş bankyna hem goldaw berilmelidigini nygtady.
1985-nji ýylda Türkiýe, Eýran we Pakistan tarapyndan döredilen Ykdysady hyzmatdaşlyk guramasyna 1992-nji ýylda Azerbaýjan, Gazagystan, Gyrgyz Respublikasy, Özbegistan, Türkmenistan, Täjigistan we Owganystan hem agza bolýar
