Erdogan bilen Tramp maý aýynda duşuşyp bilerler
Türkiýäniň Prezidenti R.T. Erdogan bilen ABŞ-nyň Prezidenti Donald Trampyň maý aýynda Belgiýanyň paýtagty Brýusselde geçirilmegi meýilleşdirilýän NATO-nyň maslahatynda ikiçäk duşuşyk geçirjekdikleri öňe sürüldi
Amerikanyň CNN International habarlar gullugynyň Erdogan we Tramp üçin: “Iki lider maý aýynda Ýewropada geçiriljek NATO maslahatynda ikiçäk duşuşyk geçirmegine garaşylýar” diýip ýazan habarynda NATO-ny tankyt edýän Donald Trampyň hem maslahata gatnaşjakdygyna hem ünsleri çekýär.
NBC News kanaly ABŞ-nyň Prezidentiň tankytlara garamazdan NATO-nyň Baş sekretary Ýens Stoltenberg bilen geçen aý geçiren söhbetdeşliginde maslahata gatnaşmagy kabul edendigini habar berýär.
NATO agza ýurtlaryň Goranmak ministrleri 15-16-njy fewral aralygynda Brýusselde duşuşarlar.
Maslahatda ähli ünsler ABŞ-nyň Goranmak ministr wezipesine bellenen Jim Mattisde bolar.
Türkiýäniň Goranmak ministr Fikri Yşygyň hem gatnaşjak maslahatyň gün tertibiniň ileri tutulýan ugry alýansyň terrora garşy göreşi bolar.
