“Halaba ýol açyň” kampaniýasynyň çäginde ynsanperwer kömek kerweni Siriýa ugradyldy

Adam hukuklary we azatlyklary atly Ynsanperwer kömek gaznasynyň “Halaba ýol açyň” kampaniýasynyň çäginde dürli jemgyýetçilik guramalary tarapyndan 13 konteýnerlik ynsanperwer kömek kerweni Kilisden Siriýa ugradyldy.

Gaznanyň ýolbaşçylaryndan Muhammet Murat Oral, serhediň Siriýa tarapyndaky halkyň gyzgyn nahar we çörek bilen üpjün edilýändigini aýtdy.

Oral kampaniýanyň çäginde Stambuldaky, Tekirdagdaky, Samsunyň Çarşamba etrabyndaky we Wandaky jemgyýetçilik guramasy tarapyndan ýygnalan 13 konteýnerlik ynsanperwer kömeginiň Siriýa ugradylandygyny ýatlatdy.

Oral konteýnerlerde un, azyk, ýorgan, gök we miwe önümleri bilen birlikde egin eşigiň bardygyny belledi.