"NATO terrora garşy göreşde uly jogapkärçilik almaly we Türkiýä anyk goldaw bermeli"

Baş ştabyň başlygy Goşun generaly Hulusi Akar NATO-nyň terrora garşy göreşde uly jogapkärçilik almalydygyny we Türkiýä anyk goldaw bermelidigini aýtdy.

Goşun generaly Akar düýn Belgiýanyň paýtagty Býrusselde geçirlen NATO-nyň Harby komitetiniň Baş ştablarynyň başlyklarynyň 176-njy maslahatyna gatnaşdy.

Maslahatyň çäginde geçirlen oturluşyklarda NATO-nyň serkerdelik gurluşynyň funksiýasy, Owganystanyň howpsyzlygy we terrora garşy göreş meseleleri ara alnyp maslahatlaşyldu.

Goşun generaly Akar oturlyşykda NATO-nyň terrora garşy göreşde uly jogapkärçilik almagy we Türkiýä anyk goldaw bermegi ýaly meseleleri gün tertibine getirdi. Mundan başgada Türkiýäniň Owganystandaky jogapkärçiliklerini ýerine ýetirmäge dowam etjekdigi bellenildi.

Goşun generaly Akar maslahatyň çäginde ABŞ-nyň, Awstraliýanyň, Ukrainanyň, Ruminiýanyň, Awstriýanyň, Ysraýylyň we Italiýanyň Baş ştabynyň başlygy bilen iki çäk duşuşyk geçirdi.