“Hüjümçiniň şahsyýeti howpsyzlyk güýçleri tarapyndan bilinýär”
Kaýnak terrorçynyň ýörite ýetişdirilendigini mälim etdi
Wise-premýer Weýsi Kaýnak Stambulda täze ýyl gijesi 39 adamy öldüren hüjümçiniň uýgur bolmagynyň ähtimaldygyny belläp: “Hüjümçiniň şahsyýeti howpsyzlyk güýçleri tarapyndan bilinýär” diýdi.
Weýsi Kaýnak hususy telewideniýeleriň birinde soraglara jogap berdi.
Kaýnak terrorçynyň ýörite ýetişdirilendigini mälim etdi.
Terrorçynyň şahsyýetiniň we arabaglanşyklarynyň bilinýändigini bellän Wise-premýer onuň milletiniň uýgur bolmagynyň ähtimaldygyny habar berdi.
“Hüjüm 2 terrorçy tarapyndan guraldymy?” soragyna jogap beren Weýsi Kaýnak: “Derňew dowam edýär. Emma hüjümiň 1 adam tarapyndan guralandygy görünip dur. Bir ýaragdan çykan oklar bilen edilen gyrgynçylyk” diýdi.
Kaýnak: “Hüjümde döwrebap Türkiýäni bilýän we täze ýyly Türkiýede geçirmek islän syýahatçylarymyz hem ýogaldy. Hüjüm ählimizi gynandyrdy” diýdi.
Wise-premýer terrorçynyň daşary ýurda gaçmagyny öňüni almak üçin giň-gerimli çäreleriň görülendigini habar berdi.
Degişli Habarlar
Daşary Işler Ministri Fidan, Birleşen Arap Emirliklerinde Saparda Bolýar
Hakan Fidan,kärdeşi Abdullah bin Zaýid Al Nahýan bilen duşuşdy.