Ýewfrat galkany operasiýasynyň 66-njy gününde 8 oppozisioner şehit boldy
Çaknyşyklarda şeýle hem 34 oppozisioner ýaralandy
Siriýanyň demirgazgynyň terrorçylardan saplanmagy üçin 24-nji awgustda Türkiýäniň ýolbaşçylygynda başladylan Ýewfrat galkany operasiýasynyň 66-njy gününde 8 oppozisioner şehit boldy, 34 oppozisioner bolsa ýaralandy.
Hyzmatdaş güýçler bolsa Numan diýilen ýerde anyklanan terror guramasy DAIŞ-iň ýerlerine garşy guran 2 aýry howa hüjüminde 2 terrorçyny täsirsiz ýagdaýa getirdi.
Operasiýada mundan başgada ozaldan anyklanan DAIŞ-e degişli 127 we PÝD/PKK degişli 8 ýere hüjüm guralyp, terror guramalary tarapyndan guraljak hüjümleriň öňi alyndy.
Operasiýanyň başlangyjyndan bäri 164 aýry ýerde takmynan 1305 inedördül km ýer gözegçilik astyna alyndy.
DAIŞ-den basylyp alynan sebitlerde 1 mina we 6 sany elde ýasalan partlaýjy gözegçilik astynda partladyldy.
Operasiýanyň başlangyjyndan bäri 32 mina we 1362 sany elde ýasalan partlaýjy täsirsiz ýagdaýa getirildi.
Degişli Habarlar
Yragyň demirgazygynda bir esger şehit boldy
Yragyň demirgazygyndaky Penje-Gulp operasiýasy sebitinde 1 esger şehit boldy
