Ordu welaýatynda 3 esger şehit boldy
Alynan maglumata görä çaknyşyklar dowam edýär
Ordu welaýatynyň Mesudiýe etrabyndaky Topçam žandarma birikmesiniň golaýynda operasiýa başladan esgerere garşy PKK-ly terrorçylaryň tokaýdan od açmagy netijesinde 3 esger şehit boldy, 2 esger ýaralandy.
Wakanyň bolan ýerine köp sanda goşmaça güýç ugradyldy, sebitde çaknyşyklaryň dowam edýändigi habar berildi.
Ordu welaýatynyň gubernatory Irfan Balkanlyogly waka bilen baglanşykly: “Ordu welaýatynyň Mesudiýe etrabyndaky Topçam žandarma birikmesiniň ýanynda operasiýa başladan esgerlere garşy PKK-ly terrorçylar tokaýdan od açdy. Ilkinji kesgitlemelere görä 3 esger şehit boldy, 2 esger ýaralandy. Çaknyşyklar dowam edýär. Goşmaça güýç wakanyň bolan ýerine iberildi. Operasiýa dowam etdirilýär” diýip mälim etdi.
Degişli Habarlar
Yragyň demirgazygynda bäş terrorçy täsirsiz ýagdaýa getirildi
Terrora garşy göreş ýurduň çäklerinden daşaryda hem dowam edýär