Ömer Çelik terrorçylykly hüjümlere garşy umumy tutumyň alnyp barylmagynyň ähmiýetine ünsi çekdi
Ömer Çelik özara duşuşykdan soň beren beýanatynda terrorçylykly hüjümlere garşy umumy tutumyň alnyp barylmagynyň ähmiýetine ünsi çekdi
ÝB ministri we Türkiýäniň adyndan ÝB boýunça gepleşikleri alyp baryjy Ömer Çelik terrora garşy umumy tutum alnyp barylman halatynda hüjümleriň dowam etjekdigini aýtdy.
Ömer Çelik Belgiýanyň paýtagty Brýussele guran saparynyň çäginde Belgiýanyň Daşary işler ministri we Wise-premýer Didier Reýnders bilen duşuşdy.
Ömer Çelik özara duşuşykdan soň beren beýanatynda terrorçylykly hüjümlere garşy umumy tutumyň alnyp barylmagynyň ähmiýetine ünsi çekdi.
“Stambulda, Brýusselde, Londonda, Berlinde ýada başga bir şäherde we haýsy terror guramasy tarapyndan guralandygyna garamazdan terrora garşy tutanýerli tutum alyp barmalydyrys”diýdi.
ÝB ministri Ömer Çelik ÝB-niň Stambulda guralan terrorçylykly hüjümi näletländikleri we Türkiýä beren goldawlary üçin Reýnderse öz minnetdarlygyny bildirdi.
Belgiýanyň Daşary işler ministri Reýnders hem “Terrora garşy göreşde türk halkyna goldaw berýäris. Türkiýäniň ýolbaşçylary bilen terrora garşy hyzmatdaşlarymyz dowam eder” diýdi.
Degişli Habarlar
Yragyň demirgazygynda bir esger şehit boldy
Yragyň demirgazygyndaky Penje-Gulp operasiýasy sebitinde 1 esger şehit boldy