Nusaýbin etrabynda bir esger şehit boldy
Mardin welaýatynyň Nusaýbin etrabynda elde ýasalan partlaýjy maddanyň ýarylmagy netijesinde 1 esger şehit boldy, 6 esger ýaralandy
![Nusaýbin etrabynda bir esger şehit boldy](http://cdn.trt.net.tr/images/xlarge/rectangle/4693/a732/3164/571ee9123e2ef.jpg?time=1719160664)
Partlama aýralykçy terror guramasy PKK agza terrorçylar tarapyndan ulanylan binalaryň birinde gözleg we saplaýyş işleri geçirilýän wagty boldy.
Terror guramasy PKK-a garşy Bahar saplaýyşy atly operasiýanyň çäginde ýurduň Gündogar we Günorta-gündogar sebitlerinde başladylan gözleg we saplaýyş işleri giň-gerimli dowam edýär.
Operasiýalarda Diýarbakyryň Lije etrabynda 6, Mardiniň Nusaýbin etrabynda 5, Şyrnakda 4 terrorçy täsirsiz ýagdaýa getirildi, 1 terrorçy bolsa howpsyzlyk güýçlerine boýun egdi.
Kars welaýatynyň Kagyzman etrabyndaky operasiýada 5 terrorçy öldürildi.
Şyrnak welaýatynyň Uludere etrabynyň Kureşin Tepe diýilen ýerindäki kyn şertlerdäki operasiýada bolsa harby toparlaryň golaýlaşyp gelýändigini gören PKK-ly terrorçylar gyssagly ýagdaýda gowaklaryny taşlap gitdiler.
Terrorçylar gaçmanka gowaklary partlaýjy maddalar bilen doldurypdyrlar.
Partlaýjy maddalary ýok eden howpsyzlyk güýçleri takmynan 100 metr uzynygynda içinde 4 otagy bolan gowagyň bardygyny anykladylar.
Gowagyň içinde geçirilen gözleg işlerinde dürli görnüşdäki ýaraglar, ok-däriler we harby enjamlar tapyldy.
Beýleki tarapdan ABŞ-nyň Daşary işler ministrliginiň metbugat geňeşçisi Jon Kirbi ýurdunyň terror guramasy PKK bilen gönüden-göni arabaglanyşgynyň ýokdugyny aýtdy.
Metbugat geňeşçi Jon Kirbi: “PKK-nyň liderleri bilen gönüden-göni arabaglanşygymyz ýok. Olar daşary ýurtly terror guramalarydyr” diýdi.
Degişli Habarlar
![Yragyň demirgazygynda bir esger şehit boldy](http://cdn.trt.net.tr/images/medium/rectangle/d70c/b012/6827/6675746308657.jpg?time=1719160664)
Yragyň demirgazygynda bir esger şehit boldy
Yragyň demirgazygyndaky Penje-Gulp operasiýasy sebitinde 1 esger şehit boldy