"Türkiýe Siriýada howpsyz zolagyň dördilmegini isleýär"

Premýer ministr Ahmet Dawutogly Ankarada “BBC-niň” Ýakyn Gündogar sebiti boýunça redaktory Jeremi Bowiniň Siriýadaky we Yrakdaky wakalar, terrorçylyga garşy sebitleýin göreş we hökümetiň gurulmagy baradaky sroaglaryna jogap berdi.
Türkiýäniň Siriýanyň demirgazygynda howpsyz zolagyň döredilmegi baradaky pikirini ýaňadandan gün tertibine getirjekdigini aýdan Dawutogly, Siriýadaky çaknyşyklardan gaçanlar üçin howpsyz zolagyň döredilmegi maksadyna laýyklykda ABŞ bilen bilelikde işleşjekdiklerini nygtady.
Dawutogly Siriýa pyýada goşunlaryny ugratmagyň ýerine ol ýerdäki parasatly oppozisiýany güýçlendirmegiň ýerliklikli boljakdygyny aýtdy.
Premýer ministr Türkiýäniň bähbitlerine we howpsyzlygyna abanjak wehime asla ýol berilmejekdigini nygtady.
Siriýada 4 ýyldan bäri dowam edýän çaknyşyklaryň bes edilmegi üçin halkara jemgyýetçiligini tagalla etmäge çagyran Premýer ministr Dawutogly, Türkiýäniň DAEŞ-i ýa-da başga terror guramalaryny asla goldamandygyny aýtdy.
Premýer ministr Ahmet Dawutogly Türkiýäniň kürtler bilen söweşmeýändigini, terror guramasy PKK-a garşy görelýändigini nygtady.
Ahmet Dawutoggly 7-nji iýunda geçirilen parlament saýlawlary barada-da durup geçdi.
Saýlawa bolan gatnaşygyň 85 göterime barabardygyny aýdan Premýer ministr Dawutogly, Adalat we ösüş partiýassynyň 41 göterim ses bilen birinji ýeri eýeländigini ýatlatdy.
Koalisiýa hökümeti boýunça gepleşikleriň dowam edýändigini aýdan Ahmet Dawutogly, Adalat we ösüş partiýasyz hökümet gurmagyň mümkin däldigini sözleriniň üstüne goşdy.