Agry we Mardin welaýatlarynda esgerlere hüjüm guraldy

Agry welaýatynyň Dogubazyt etrabynda terror guramasy PKK tarapyndan žandarm bölümine partlaýyjy ýüklene traktor bilen guralan kamikaze hüjüminde ilkinji kesgitlemelere görä 2 esger şehit boldy, 4 sanysy agyr 24 esger ýaralandy
Hüjüm ir säher 03:00 töwereklerinde 2 tonna golaý partlaýyjy ýüklenen traktor bilen guraldy.
Prezident R.T.Erdogan Agry welaýatyndaky hyýanatçylykly hüjüm sebäpli Baş ştabyň başlygy, general Nejdet Özele duýgudaşlyk telegrammasyny ygratdy.
Baş Ştab resmi internet saýtynda hüjümi berk ýazgardy. Beýanatda “Adamkärçilikden nesibesini almadyk ganhorlar tarapyndan dönüklerçe guralan hüjümleri berk ýazgarýarys” diýilýar.
Mardin welaýatynyň Midýat etrabynda-da Kerkum-Ýumurtgalyp nebit turba geçirijisiniň howpsyzlygyny üpjün edýän esgerleriň ulagy geçip barýarka terror guramasy PKK tarapyndan ýola goýulan mina partlady.
Partlamada 1 esger şehit boldy, 7 esger ýaralandy.
Howpsyzlyk güýçleri hüjümi guranlaryň ele salynmagy üçin operasiýa başlatdy.
Beýleki tarapdan Mardin welaýatynyň guberniýasyndan berilen beýanatda “Hyýanatçylykly hüjümi guran terrorçylaryň ele salynmagy we halkymyzyň asudalygynyň hem-de howpsyzlygynyň üpjün edilmegi ugrundaky tagallalarymyzy üznüksiz dowam eder” diýilýär.