Daşary işler ministrligi metjide guralan hüjümi ýazgardy

Daşary işler ministrligi Pakistandaky şaýy ybadathanasynda Juma namazy okalýarka guralan hüjümi berk ýazgardy.
Ministrlik tarapyndan berlen ýazmaça beýanatda Pakistanyň Peşawer şäherindäki şaýy ybadathanasynda Juma namazy okalýarka guralan hüjümde ilkinji kesgitlemelere görä 19 adamyň ýogalandygy, 50-den gowrak adamyň ýaralanandygy ýatladyldy.
Beýanatda “Pakistanyň durnuklylygyny we howpsyzlygyny nyşana alýan şuňa meňzeş hüjümleri berk ýazgarýarys, bu waka sebäpli dost we doganlyk ýurt Pakistanyň halkynyň we hökümetiniň gynanjyny paýlaşýarys. Ýogalanlara Alladan rehmet, hossarlaryna gynanç we ýaralananlara şypa dileýäris” diýildi.