Türk metbugatynyň gysgaça mazmuny
Gündelik gazetler ýurduň we dünýäniň gün tertibiniň ileri tutulýan ugurlary bilen bagly habarlara giň orun berýärler.
“Haber Türk” gazeti “Daşary işler ministri Hakan Fidan: ÝB bilen gatnaşyklarymyzy elmydama ösdürmek isleýäris” söz başyly habarynda, Daşary işler ministri Hakan Fidanyň düýn ÝB-niň Goňşuçylyk we agzalyk işlerinden jogapkär Komissary Oliwer Warhelýi bilen geçiren bilelikdäki metbugat ýygnagynda Türkiýäniň ÝB-ne agzalyk tapgyry hakynda; “Türkiýe diňe bir ÝB bilen däl, goşuljak ähli ýaranlyklaryny kuwwatlandyrar. Biz elmydama ÝB bilen gatnaşyklarymyzy ösdürmek isleýäris” diýendigini ýazýar.
“Hürriýet” gazeti “Warhelýi beýan etdi: Türkiýe bilen söwda gatnaşygynda rekord goýuldy” söz başyly habarynda, ÝB-niň Goňşuçylyk we agzalyk işlerinden jogapkär Komissary Oliwer Warhelýiniň düýn ministr Fidan bilen geçiren metbugat ýygnagynda “Geçen ýyl rekord goýduk söwda gatnaşyklary taýdan. 200 milliard ýewrodan geçdik” diýen sözlerini çap edýar.
“Watan” gazeti “Şweýsariýanyň metbugaty Raisiniň dik uçaryny tapan “Akynjy” hakda ýazdy” söz başyly habarynda, Türkiýäniň Eýranyň Prezidenti Ebrahim Raisiniň başdan geçiren dik uçar heläkçiliginiň ýerinin tapylmagyna şweýsar metbugatynyň giň orun berendigini ýazýar. “Neue Zýurçer Zeitung” gazeti habarynda “Türkiýe uçarmansyz howa ulagynyň önümçiliginde nähili ukyplydygyny ýene-de bir gezek dünýä görkezdi” diýip ýazdy.
“Sabah” gazeti “Gökdepe-2-de burawlaýyş işleri başlady” söz başyly habarynda, Energetika we tebigy serişdeler ministri Alparslan Baýraktaryň Gara deňizdäki burawlaýyş işleri hakynda beýanat berendigini mälim edýär. Täze açyşlaryn ediljekdigini aýdan ministr Baýraktar; “ “Fatih” burawlaýyş gämimiz Sakarýa gaz giňişliginde Gökdepe-2 atly guýuda burawlaýyş işine başlady” diýdi.
“Star” gazeti “Ministr Ersoý: Türk aşhanasy tagamy ýaly mazmun taýdan hem uly baýlyk” söz başyly habarynda, Medeniýet we syýahatçylyk ministri Mehmet Nuri Ersoýuň Türkiýäniň gastronomiýa syýahatçylygy hakynda: “Türk aşhanasy tagamy ýaly mazmun taýdan hem baý hazyna. Asyrlara uzap gidýän taryhyň we tejribeleriň netijesi bolan baý aşhanamyz, taryh boýy gerimini giňeldip, biziň günlerimize ýetdi. Bu densiz hazynany maksada laýyk tanyşdyrmak biziň esasy borjumyz” diýen sözlerini okyjy köpçüliginiň dykgatyna ýetirýär.
