Türk metbugatynyň gysgaça mazmuny
Gündelik gazetler ýurduň we dünýäniň gün tertibiniň ileri tutulýan ugurlary bilen bagly habarlara giň orun berýärler.
“Haber Türk” gazeti “Gaza derman we lukmançylyk enjamlaryny alyp giden Prezidentiň Diwanynyň uçary Müsüre bardy” söz başyly habarynda, Türkiýeden Gaza derman we lukmançylyk enjamlaryny alyp giden Prezidentiň Diwanynyň uçary 20 lukman bilen Müsüre barandygyny ýazýar.
“Sabah” gazeti “Ministr Bolatdan Türkiýäniň ykdysadyýeti hakynda beýannama” söz başyly habarynda, Söwda ministri Ömer Boladyň düýn beren habarnamasynda Türkiýäniň 2053-nji ýylda dünýäde ilkinji ýurduň, satyn alyş güýjüniň paritetine görä bolsa dünýäde ilkinji 5 ýurduň hataryna goşulmagyny maksat edinýändiklerini mälim edendigini ýazýar.
“Star” gazeti “Gyzylalma we ATAK-a isleg bildirýärler” söz başyly habarynda, ýarag söwdasynda iň gowy alternatiwiň Türkiýedigini beýan eden Nigeriýanyň metbugatynyň, “Gyzylalma” we “Atak” dik uçarlaryna ünsi çekip, Nigeriýanyň höklümetiniň “ATAK” dikuçarlary boýunça ylalaşyk gazanmagyna garaşylýandygyny ýazandygyny okyjy köpçüliginiň dykgatyna ýetirýär.
“Ýeni Şafak” gazeti” Türkiýäniň enjam eksporty 9 aýda 21 miliard dollara ýetdi” söz başyly habarynda, Türkiýäniň enjam eksportynyň ýylyň 9 aýynda 2022-nji ýylyň degişli döwrüne gröä 10,1 göterim ýokarlap, 21 milliard dollara barabar bolandygyny ýazýar. Esasy eksport Germaniýa, Russiýa we ABŞ-na edildi.
“Hürriýet” gazeti “Deniz Önjü Awstraliýada birinji orny eýeledi” söz başyly habarynda, Red Bull türgeni Deniz Önjüniň 2023 Moto3 dünýä çempionadynyň 16 bölümi bolan Awstraliýa gran prisini podiumyň birinji nobatynda tamamlandygyny okyjy köpçüliginiň dykgatyna ýetirýär.
