Türk metbugatynyň gysgaça mazmuny
Gün tertibiniň ileri tutulýan ugurlary hakyndaky habarlar gündelik gazetlerde giň seslenme döredýär.
“Ýenişafak” gazeti, “Prezident Erdoganyň Palestina diplomatiýasy” söz başyly habarynda, Türkiýäniň, Ysraýyl-Palestina dartgynlygynyň sebitdäki ýurtlara ýaramaz täsirini ýetirmezden bes edilmegi we taraplaryň arasynda gepleşikleriň başlamagy üçin uly tagalla edýändigini ýazýar. Bu mesele boýunça Prezident Erdogan, Ysraýyl-Palestina çaknyşygynyň başlan gününden bäri birnäçe ýurduň lideri bilen telefon arkaly söhbetdeşlik geçirdi.
“Hürriýet” gazeti, “Mejlisden taryhy çagyryş” söz başyly habarynda, TBMM-de Palestina-Ysraýyl çaknyşygy meselesinde ýörite oturlyşygyň geçirlendigini we bütin dünýä “Gazada asuda ilaty nyşana alýan ähli hüjümleri ýazgarýarys; Palestina bilen Ysraýyla iki döwletli çözgüte laýyklykda meseläniň çözülmegi üçin gepleşik geçirmäge çagyrys” diýlip ýüzlenme berlendigini habar berýär.
“Star” gazeti, “Şols: Prezident Erdogan uly rol oýnap biler” söz başyly habarynda, Germaniýanyň Federal Kansleri Olaf Şolsyň, Prezident R. T. Erdoganyň Ysraýyl bilen Hamasyň arasynda töwellaçy bolmagynda we dartgynlygyň azalmagynda uly rol oýnap biljekdigine ünsi çekendigini nygtaýar.
“Watan” gazeti, “Soňky 4 aýda 309 terrorçy täsirsiz ýagdaýa getirildi” söz başyly habarynda, Içeri işler ministrli Ali Ýerlikaýanyň soňky 4 aýda geçirlen operasiýalarda 309 terrorçynyň täsirsiz ýagdaýa getirlendigi hakyndaky sözlerine ýer berýär.
“Sabah” gazeti, “Stambul howa menzili Ýewropanyň iň gelim gidimli howa menzili” söz başyly habarynda, Stambul howa menziliniň oktýabr aýynyň 2-8-i aralygynda günde ortaça 1435 uçar sapary bilen Ýewropanyň iň gelim gidimli howa menzili bolandygyny aýan edýär.
