Türk metbugatynyň gysgaça mazmuny
Gündelik gazetler ýurduň we dünýäniň gün tertibiniň ileri tutulýan ugurlary bilen bagly habarlara giň orun berýärler.
“Haber Türk” gazeti “Täze serkerdeler belli boldy” söz başyly habarynda, Prezident R.T.Erdoganyň Ýokary harby geňeşiň mejlisiniň kararlaryny tassyklandygyny ýazýar. Karara laýyklykda Baş ştabyň Başlyklygyna 2-nji goşunyň serkerdesi, general Metin Gürak bellendi. Guryýer goşunlarynyň serkerdeligine Baş ştabyň 2-nji Başlygy general Selçuk Baýraktarogly, Harby howa güýçleriniň serkerdeligine Söweşjeň howa güýçleriniň serkerdesi, general Ziýa Jemal Kadyogly bellendi.
“Hürriýet” gazeti “Eksportda iýul aýynyň rekordy” söz başyly habarynda, Türkiýäniň eksportunyň iýuyl aýynda 8,4 göterim ýokarlap, 20 milliard dollardan geçendigini ýazýar. Şeýlelikde taryhyň iň ýokary iýul aýy eksporty amala aşyryldy.
“Watan” gazeti “Merkezi bankyň jemi ätiýaçlary artdy” söz başyly habarynda, Türkiýe Respublikasynyň Merkezi bankynyn hepdelik pul we bank hasabatlary çap edildi. Şuňa laýyklykda Merkezi bankyn jemi ätiýaçlary 28-nji iýulda gutaran hepdede 223 million dollar artyp, 113,7 milliard dollara barabar boldy.
“Ýeni Şafak” gazeti “Ýewropada zeýtun ýagy ýetmezçilik edýär, Türkiýe rekorda barýar” söz başyly habarynda, Ýewropada howanyň üýtgemegi we aşa yssy howa sebäpli zeýtun we zeýtun ýagynyň öňümçiligi azalan bolsa, Türkiýe gören degişli çäreleri hem-de ätiýaçdaky önümler bilen täze hasyl döwrüni rekordlar bile garşy almaga taýýarlanýar.
“Star” gazeti “Britaniýa Türkiýe gepleşiklere başlar” söz başyly habarynda, Britaniýanyň Ankaradaky Ilçisi Jill Marrisiň Türkiýe bilen Britaniýanyň aktullaşdyrylan Erkin söwda şertnamasy boýunça birnäçe aýyň dowamynda gepleşiklere başlajakdygyny aýdandygyny ýazýar.
