Türk metbugatynyň gysgaça mazmuny
Gün tertibiniň ileri tutulýan ugurlary hakyndaky habarlar gündelik gazetlerde giň seslenme döredýär.
“Hürriýet” gazeti, “Rus lideriniň Türkiýe forumulasy dünýäde uly beýan tapdy” söz başyly habarynda, Türkiýede gurulmagy meýilleşdirilen tebigy gaz merkezi hakynda beýannama beren Russiýanyň döwlet Ýolbaşçysy Wladimir Putiniň, meýilnamanyň üstünde işleýändikleri hakyndaky sözleriniň daşary ýurt metbugatynda giň seslenme döredendigini ýazýar.
“Haber Türk” gazeti “Türkiýäniň 6 aýlyk suw önümleriniň eksporty 829 million dollara barabar boldy” söz başyly habarynda, 2022-nji ýylyň ýanwar-iýun aýlarynda suw önümleriniň eksportundan 760 million dollarlyk girdeji gazanan pudagyň eksportynyň 2023-nji ýylyň birinji ýarymynda eksportynyň 9 göterim artyp 829 million dollara çenli baryp ýetendigini mälim edýär.
“Watan” gazeti, “Türk portlary dünýäniň sanawynda” söz başyly habarynda, Dünýäniň deňizçilik pudagy boýunça ýakyndan tanalýan ýaýlym organy Lloýds List tarapyndan tarapyndan “Dünýäniň iň gowy 100 porty” sanawynda, 2022-nji ýylda Türkiýeden 4 portuň ilkinji 100 portuň hataryna girendigini habar berýär. Ambarly, Kojaeli, Mersin we Tekirdag portlary dünýäniň iň gowy portlarynyň hatarynda ýer alýar.
“Ýeni Şafak” gazeti, “Antalýa 8 milliondan gowrak syýahatçy geldi” söz başyly habarynda, Antalýa şu ýyl gelen syýahatçylaryň sanynyň 8 million 11 müň 828-e ýetendigine ünsi çekýär.
“Star” gazeti, “Fransuz metbugaty: Türkiýe-Müsür gatnaşygy bilen ýakyndan gyzyklanýar” söz başyly habarynda, Türkiýe bilen Müsüriň arasyndaky gatnaşyklaryň kadalaşmagy bilen ýakyndan gyzyklanýan Fransiýanyň köpçülikleýin habar beriş serişdeleri, iki ýurduň arasyndaky gatnaşyklaryň Afrikanyň we Ýakyn Gündogaryň durnuklylygy üçin esasy güýç bolup biljekdigine ünsi çekendigini nygtaýar.
