Türk metbugatynyň gysgaça mazmuny
Gün tertibiniň ileri tutulýan ugurlary bilen bagly habarlar gündelik gazetlerde giň seslenme döredýär.
“Hürriýet” gazeti “Prezident Erdogan ABŞ-nyň Prezidenti bilen telefon arkaly söhbetdeşlik geçirdi” söz başyly habarynda, Prezident R.T.Erdoganyň ABŞ-nyň Prezidenti Jo Baýden bilen telefon arkaly söhbetdeşlik geçirendigini ýazýar. Telefon söhbetdeşliginde Ukrainadanyň NATO-daky eýeleýän pozisiýasy, Şwesiýanyň NATO agzalygy, F-16 harby uçarlarynyň berilmegi we Türkiýäniň ÝB-ne doly agzalyk tapgyry hakynda pikir alyşyldy.
“Sabah” gazeti “Erdogan: Ýarym gyzylaý jemgyýety ähli ejir çekýänlere umyt berýär” söz başyly habarynda, Prezident R.T.Erdoganyň Türk Gyzyl ýarymaý jemgyýetiniň nobatdan daşary maslahatyna ugradan wideo ýüzlenmesinde “Türk gyzyl ýarymaý jemgyýeti ýurdumyzyň buýsandyryjy güýji hökmünde 155 ýyldan bäri dünýäniň çar tarapynda ynsanperwer kömek işlerini alyp barýar. Döwlet-millet jebisliginiň tymsalyna öwrülen Gyzyl ýarymaý jemgyýeti agyr ýagdaýa düşen ähli adamlara umyt berýär” diýendigini ýazýar.
“Ýeni Şafak” gazeti “Jewdet Ýylmaz: Kataryň Emiri Sani bilen ykdysady hyzmatdaşlyk şertleri hakynda pikir alyşdyk” söz başyly habarynda, Prezidentiň orunbasary Jewdet Ýylmazyň, Gazna we maliýe ministri Mehmet Şimşek bilen Kataryň Emiri Şeýh Tamim bin Hamad Al Tani bilen duşuşandygyny ýazýar. Ýylmaz Sani bilen ykdysady hyzmatdaşlyk boýunça şertleri seljerendiklerini beýan edip; “Goranyş senagatyndaky we energetika pudagyndaky hyzmatdaşlygymyzy çuňlaşdyrmagy maksat edinýäris” diýdi.
“Haber Türk” gazeti “ÝB-ne agza ýurtlara awtoulag eksporty ýylyň birinji ýarymynda 20 göterim artdy” söz başyly habarynda, Türkiýäniň ÝB-ne agza ýurtlara awtoulag eksportunyň ýylyň birinji ýarymynda geçen ýylyň degişli döwrüne görä 20 göterim artyp, 11 million 988 million dollara barabar bolandygyny okyjy köpçüliginiň dykgatyna ýetirýär.
“Star” gazeti “Türk howaýollarynyň we Stambul howa menziliniň üstünligi Türkiýäni çarpaýa galdyrdy” söz başyly habarynda, Stambul howa menziliniň günlük ortaça 1525 uçuş bilen Ýewropanyň iň bir gelim-gidimli howa menzlili bolandygyny ýazýar. Türk howaýollary bolsa Ýewropada iň köp uçuş eden 3-nji awia kampaniýa boldy. Türkiýe awiasiýa pudagynda goýan maýa goýumlary bilen uçar gatnawy we ýolagçy sany taýdan Ýewropada birinjiorny eýeledi.
