Türk metbugatynyň gysgaça mazmuny
Gün tertibiniň ileri tutulýan ugurlary hakyndaky habarlar gündelik gazetlerde giň seslenme döredýär.
“Hürriýet” gazeti, “Prezident Erdogan: Atom elektrik bekedine eýe bolan ýurtlardan biri bolduk” söz başyly habarynda, Prezident R. T. Erdoganyň, düýn Akguýu Atom elektrik bekedine ilkinji ýangyjyň getirilmegi mynasibetli geçirlen dabara wideo aragatnaşyk ulgamy arkaly gatnaşandygyny ýazýar.
Prezident Erdogan dabarada eden çykyşynda, Türkiýäniň atom elektrik bekedine eýe bolan ýurtlaryň hataryna goşulandygyna ünsi çekdi.
“Sabah” gazeti, “Putin: Türkiýe atom elektrik bekedine ýurtlaryndan biri bolar” söz başyly habarynda, düýn Akguýu Atom elektrik bekedine ilkinji ýangyjyň getirilmegi mynasibetli geçirlen dabara wideo aragatnaşyk ulgamy arkaly gatnaşan Russiýanyň döwlet Ýolbaşçysy Wladimir Putiniň, Türkiýäniň indi dünýäde atom elektrik bekedine eýe bolan ýurtlardan biri boljakdygyna ünsi çekendigini belleýär.
“Watan” gazeti, “ Nobat Sinopda we Frakiýada” söz başyly habarynda, Energetika we tebigy serişdeler ministri Fatih Dönmeziň düýn Mersindäki Akguýu Atom elektrik bekedine ilkinji ýangyjyň getirilmegi mynasibetli geçirlen dabarada eden çykyşynda, atom elektik beketleriniň Sinopda we Frakiýada gurlup bilinjekdigine ünsi çekendigini nygtaýar.
“Star” gazeti, “Ministr Akardan Gresiýa ýüzlenme” söz başyly habarynda, Milli Goranmak ministri Hulusi Akaryň düýn eden çykyşynda, Gresiýa bilen başdan geçirilýän kynçylyklaryň halkara hukuk kadalarynyň çäginde çözülmegini isleýändiklerini nygtap “Egeý deňizi dostluk we parahatçylyk deňizi bolsun, baýlyklary adalatly ýagdaýda paýlaşylsyn”diýendigine ünsi çekýär.
“Ýeni Şafak” gazeti, “THÝ-na APEX-den iki baýrak” söz başyly habarynda, THÝ-nyň ýokary hyzmady bilen dünýäniň iň ynamdar awiasiýa guramalaryndan biri hökmünde kabul edilýän Howaýollary ýolagçy tejribe jemgyýeti APEX tarapyndan “Ýewropanyň iň gowy “ we “Ýewropanyň iň gowy naharyny we içgisini hödürlýän firmasy” baýragyna laýyk görlendigini ýazýar.
