Türk metbugatynyň gysgaça mazmuny
Gün tertibiniň ileri tutulýan ugurlary hakyndaky habarlar gündelik gazetlerde giň seslenme döredýär
“Hürriýet” gazeti, “Erdogan Putin bilen telefon arkaly söhbetdeşlik geçirdi” söz başyly habarynda, Prezident R. T. Erdoganyň, Russiýanyň döwlet Ýolbaşçysy Wladimir Putin bilen telefon arkaly söhbetdeşlik geçirendigini habar berýär.
Iki lider telefon söhbetdeşliginde, energetika pudagynyň başda durmagynda Türkiýe-Russiýa gatnaşyklary, galla geçelgesi ylalaşygy we terrora garşy göreş meselesi bilen birlikde sebitara meseleler hakynda pikir alyşdy.
“Sabah” gazeti, “Erdogan 30 kilometrlik zolaga ünsi çekdi” söz başyly habarynda, Prezident Erdoganyň rus lideri Putin bilen geçiren telefon söhbetdeşliginde, Siriýanyň demirgazygyndaky terrorçylara garşy alnyp barylýan operasiýa ünsi çekendigini belleýär.
Erdogan, Putine, 2019-njy ýylda Soçide gazanylan ylalaşyga laýyklykda, ilkinji etapda azyndan 30 kilometrlik zolagyň terrordan saplanmagynyň möhümdigini nygtady.
“Star” gazeti, “Erdogan, Zelenskiý bilen telefon arkaly söhbetdeşlik geçirdi” söz başyly habarynda, Prezident R. T. Erdogan, Ukrainanyň Prezidenti Wladimir Zelenskiý bilen telefon arkaly söhbetdeşlik geçirendini okyjylarynyň dykgatyna ýetirýär.
Prezident Erdogan telefon söhbetdeşliginde, agyr gyş şertlerine garşy ukrainanyň halkyna ynsanperwer kömeginiň berilmegi üçin tagalla edýändiklerini we Ukrainadaky Zaporožýe atom bekedi meselesiniň gysga wagtda çözülmegini umyd edýändigini belledi.
“Haber Türk” gazeti “Bütindünýä Söwda guramasy Türkiýe mamla diýdi” söz başyly habarynda, Bütin dünýä söwda guramasynyň, ABŞ-nyň 2018-nji ýylda Türkiýe bilen birlikde birnäçe ýurtdan alýan polat önümlerine goýan goşmaça saldygy bilen halkara söwda kadasyny basgylandy barada möhüm karar kabul edendigini ýazýar.
“Ýeni Şafak” gazeti, “Türkiýäniň awto ulagy Mejlisde” söz başyly habarynda, Senagat we tehnalogiýa ministri Mustafa Warankyň, TBMM-de geçirlen bujet gepleşiklerine Türkiýäniň ýerli awto ulagy TOGG bilen gidendigini habar berýär.
Ministr Warank” Türkiýäniň 60 ýyllyk arzuw-hyýaly hasyl boldy. Bu buýsanjymyzy raýatlarymyzyň hem görmegini isledik” diýdi.
