Türk metbugatynyň gysgaça mazmuny
Gündelik gazetler ýurduň we dünýäniň gün tertibiniň ileri tutulýan ugurlary bilen bagly habarlara giň orun berýärler
Hürriýet gazedi: "Prezident Erdogan Gersog bilen söhbetdeş boldy" söz başyly habarynda, Türkiýäniň Prezidenti Rejep Taýýip Erdoganyň, düýn Ysraýylyň Prezidenti Ishak Gersog bilen telefon arkaly söhbetdeş bolandygyny habar berýär. Telefon söhbetdeşliginde Aksa metjidinde ybadat edýän adamlara garşy guralan hüjümler, sebitleýin meseleler we ikitaraplaýyn gatnaşyklar ele alyndy.
Star gazedi: "Çawuşogly: Bu göreşi amala aşyrmaga mejburdyrys" söz başyly habarynda, Daşary işler ministri Mewlüt Çawuşoglynyň, Penje-Gulp operasiýasy bilen bagly düýn beren beýanatynda: "Serhedimiziň golaýynda bu göreşi amala aşyrmasak, ertirki gün bu göreşi öz topraklarymyzyň çäginde alyp barmaga mejbur galarys. Bu göreşi amala aşyrmaga mejburdyrys" diýendigini mälim edýär.
Sabah gazedi: "Akardan Penje-Gulp operasiýasy bilen bagly beýanat" söz başyly habarynda, Türkiýäniň Milli Goranmak ministri Hulusi Akaryň, düýn Penje-Gulp operasiýasy bilen bagly beýannama berendigini okyjy köpçüliginiň dykgatyna ýetirýär. Ministr Akar eden çykyşynda: "Penje-Gulp operasiýasy bilen terrorçylaryň ýerleriniň gulplary ýeke-ýeke ýok edilýär. Terror guramasynda çöküş tapgyry tizleşdi we liderleri tarapyndan terror guramasynyň başdan geçirýän dargama, çöküş tapgyry açyk ýagdaýda aýdylmaga başlandy" diýip beýan etdi.
Watan gazedi: "Ministr Muş: "Wengriýada 700 million dollarlyk maýa goýum güntertipde" söz başyly habarynda, Türkiýäniň Söwda ministri Mehmet Muşyň beren beýanatynda: "Ýurdumyzyň Wengriýada 700 million dollar maýa goýumy güntertipde. Häzirki wagtda dowam edýän we öňümizdäki döwürde meýilleşdirilen maýa goýumlar bilen birlikde şol görkezijiniň 3 milliard dollardan geçmegine garaşýarys" diýendigini aýan edýär.
Haber Türk gazedi: "THÝ-dan merkezi Braziliýada ýerleşýän GOL bilen umumy uçar saparlary babatynda ylalaşyk" söz başyly habarynda, Türk howa ýollary kärhanasynyň merkezi Braziliýada ýerleşýän GOL Linhas Aereas howa ýollary kärhanasy bilen baglaşylan ylalaşygyň çäginde umumy uçar saparlarynyň başlajakdygyny habar berýär.
