Türk metbugatynyň gysgaça mazmuny
Gündelik gazetler ýurduň we dünýäniň gün tertibiniň ileri tutulýan ugurlary bilen bagly habarlara giň orun berýärler.
“Hürriýet” gazeti “Prezident Erdoganyň TURKOVAC hakyndaky ýüzlenmesi: Tapgyrlaýyn önümçilige başlarys” söz başyly habarynda, Prezident R.T.Erdoganyň “Global Kowid-19” sammitine ugradan wideo ýüzlenmesinde; “Ýaýbaňlandyrylan milli sanjymlama maksatnamamyz bilen 18 ýaşdan ýokardaky ilatymyzda ikinji doza sanjymlama mukdarynda 70 göterimlik maksada ýetdik. Aýratynam “TURKOVAC” we beýleki milli sanjymlarymyzy gysga möhletde öndürip, bütin adamzadyň ulanmagyna hödürlemegi kepillendirýäris” diýendigini ýazýar.
“Haber Türk” gazeti “Prezident Erdogan bilen Baýden Rimde duşuşar” söz başyly habarynda, Prezident R.T.Erdoganyň oktýabr aýynyň 30-21-i aralygynda İtaliýanyň paýtagty Rim şäherinde geçiriljek G20-niň Liderler sammitinde ABŞ-nyň Prezident Jo Baýden bilen özara duşuşyk geçirjekdigini okyjy köpçüliginiň dykgatyna ýetirýär.
“Ýeni Şafak” gazeti “Dünýä ýaraglarymyz üçin nobata durdy” söz başyly habarynda, “ROKETSAN” firmasynyň baş Müdiri Murat İkinjiniň Türkiýäniň milli şertlerde öndüren harytlaryny almak üçin ençeme ýurduň isleg bildirendigini aýdandygyny ýazýar. Murat İkinji; “Ýaraglarymyzyň söweş meýdanyndaky üstünligi islegleri artdyrýar. Türkiýäniň goranyş senagaty bazaryndaky paýy ulalýar” diýdi.
“Star” gazeti “Afrikada türk üstünligi! Nämeleriň hötdesinden gelýändigimizi gördüler” söz başyly habarynda, Kamerunyň ykdysady merkezdi Dualada türk potratçylary tarapyndan gurlan “Duala Žapoma” stadionunyň futbol janköýerleriniň göwnünden turandygyny ýazýar. FİFA-nyň, KAF-yň we kamerunly resmilerden yzgiderli hasýetde minnetdarlyk sözleriniň gelip gowuşýandygyny beýan eden gurluşyk firmasnyň Afrikadaky taslamalar boýunça Direktory Tahsin Serjanyň “Kamerunlylar türk potratçylarynyň nämeleriň hötdesinden gelýändigini gördi” diýdi.
“Sabah” gazeti “Standard&Pursyň” Türkiýe boýunça täze çaklamasy” söz başyly habarynda, Halkara kredit derejelendiriş guramasy “Standard&Pursyň” Türkiýe boýunça 2021-nji ýyl üçin ykdysady ösüş çaklamasyny 6,1 göterimden 8,6 göterime ýokarlandyrandygyny okyjy köpçüliginiň dykgatyna ýetirýär.
