Türk metbugatynyň gysgaça mazmuny
Ýurduň we dünýäniň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar
“Ýeni Şafak” gazeti “Çawuşogly: Ejir çekenleri goldamaga dowam edýäris” söz başyly habarynda, Daşary işler ministri Mewlüt Çawuşoglynyň “Gumanitar arkalaşgyň halkara güni” mynasybetli çap eden ýüzlenmesinde Türkiýäniň täze görnüş koronawirus pandemiýasynda-da dünýäniň iň jomart ýurdy hökmünde ejir çekýänlere kömek elini uzatmaga dowam edendigini nygtap: “Ejir çekenleri goldamaga dowam edýäris” diýen sözlerini çap edýär.
“Watan” gazeti “Ministr Karaismailogly: Hytaý söwda otlusy demir ýol gatnawyndaky ýeňişimiz” söz başyly habarynda, Ulaglar we infrastruktura ministri Adil Karaismailoglunyň “Hytaý söwda otlymyz Stambulyň Çerkezköý etrabyndan Hytaýyň Sian şäherine üznüksiz syýahatyny tamamlady. Türkiýäniň logistiki güýjüni geçen her bir şäherinde bütin dünýä jar eden Hytaýa eksport otlusy demir ýol gatnawy ýeňişimiz” diýen sözlerini okyjy köpçüliginiň dykgatyna ýetirýär.
“Sabah” gazeti “THÝ-niň başlangyjy” söz başyly habarynda, “Türk howaýollary Teknik A.Ş” firmasynyň Türkiýäniň ilkinji ýerli we milli hödürleýiji bilen modemini öndürendigine ünsleri çekýär. Uçarlarda; media materiallarynyň (kino-film, aýdym-saz, gazet, žurnal we beýlekiler) saklanmagynyň, internet arkaly elýeterliligine we islenen halatynda materiallaryň ýolagçylaryň dykgatyna hödürlenmegine şert döredýän media serişde bolan “hödürleýiji” howa ýoly syýahaty şatlykly pursatlara öwrülýär.
“Star” gazeti “Direliş Ertugrulyň täsirinde galdylar: Pakistandan Sögüde geldiler” söz başyly habarynda, Pakistanyň döwlet teleýaýlymynda berilýän we ýurtda uly gyzyklanma döredýän “Direliş Ertugrul” serialynyň täsirinde galan pakistanly üç dostuň müňlerçe kilometr ýol geçip, Ärtogrul batyryň Bilejik welaýatynyň Sögüt etrabyndaky aramgähini zyýarat edendiklerini ýazýar.
“Hürriýet” gazeti “Digitallaşma syýahatçy sanynyň artmagyna oňyn goşant goşar” söz başyly habarynda, Medeniýet we syýahatçylyk ministri Mehmet Nuri Ersoýyň öňbaşçylygynda döredilen we döwrebap dizaýny, tehnologik infrastrukturasy bilen Türkiýäniň bäsdeşlerinden tapawutlanmagyna goşant goşjakdygy beýan edilen digital platformanyň ulanmaga berilmeginiň pudagyň wekillerini begendirendigini mälim edýär. Türkiýe hakynda maglumat edinmek we syýahatyny meýilleşdirmek isleýän ähli ulanyjylara ýurduň medeniýet we syýahatçylyk baýlyklaryny bir merkezden hödürlemegi nazarda tutýan "goturkey.com"un, 2021-nji ýylyň rezerwasiýalaryna hem oňyn goşant goşjakdygy mälim edilýar.
