Türk metbugatynyň gysgaça mazmuny
Gün tertibiniň ileri tutulýan ugurlary hakyndaky habarlar gündelik gazetlerde giň beýan tapýar
“Star” gazeti, “Erdogan, Rasist terrorizm, günbatarly ýurtlarda ýaýbaňlanýar” söz başyly habarynda Prezident R. T. Erdoganyň “Genosit; Srebrenitsadan alynan dersler” temaly liderler mhatyna ugradan wideo ýüzlenmesinde, “Ýewropaly musulmanlara basyş edilýär, hak-hukuklary we azatlyklary ellerinden alynýar” diýendigini ýazýar.
“Haber Türk” gazeti, “Türkiýeden Gresiýa Nawteks jogaby” söz başyly habarynda, Daşary işler ministrliginiň metbugat geňeşçisi Hami Aksoýyň, Gresiýanyň Türkiýäniň Nawteks yglan etmegi baradaky beýannamasyna jogap berendigini belleýär. Gazet Aksoýyň, “Gresiýanyň Türkiýäniň her Nawteks duýduryşynyň yzy ýanyndan reaksiýa bildirmegi ýerliksiz. Ýurdumyz halkara hukugyna laýyklykda öz işini dowam etdirer” diýen sözlerine ýer berýär.
“Ýeni Şafak” gazeti, “Ermenistan ýeňilendigini yglan etmeli” söz başyly habarynda, Daşary işler ministri Mewlüt Çawuşoglunyň, Türkiýäniň Azerbaýjana berýän goldawyny görkezmek üçin ýene-de bir gezek Bakuwa gidip Prezident Ilham Aliýeb bilen duşuşandygyny mälim edýär.
Söweşiň dowam etmeginden Ermenistanyň Premýer ministri Nikol Paşinýanyň jogapkärdigini aýdan Aliýew “Ermenistanyň ýeňilendigini yglan edip esgerlerini territoriamyzdan çykarmagyndan soň mesele çözüler” diýip belledi.
“Watan” gazeti, Türkiýe bilen Azerbaýjan energetika pudagynda ýakyndan hyzmatdaşlyk eder” söz başyly habarynda Türkiýäniň Energiýa bazarlaryna gözegçilik gullugy bilen Azerbaýjanyň Energiýa gullugynyň arasynda ýakyndan hyzmatdaşlyk edilmegi boýunça teswirnama baglaşylandygyny habar berýär.
“Sabah” gazeti, “Türkiýä minnetdar” söz başyly habarynda, Gollywudyň ýyldyzy Armand Assante “Türkiýäniň bosgunlara berýän goldawy sebäpli minnetdarlyk bildirýäris” söz sözlerini okyjylarynyň dykgatyna ýetirýär.
