Türk metbugatynyň gysgaça mazmuny
Dünýäniň we ýurduň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar
“Hürriýet” gazeti “Mejlisiň Başlygy Şentopyň Liwiýa hakyndaky beýannamasy” söz başyly habarynda, Türkiýäniň Mejlisiniň Başlygy Mustafa Şentopyň düýn Liwiýanyň Ýokary Döwlet geňeşiniň Başlygy Halid Al Myşri bilen duşuşandygyny ýazýar. Gazet Şentopyň duşuşykda: “Liwiýada halkara hukuga we BMG-nin kararlaryna garamazdan iş alyp barýan dürli ýurtlaryň, goňşy Müsür, Birleşen Arap Emirlikleri, Fransiýa bilen bilelikde hukuga, Liwiýadaky kanuny hökümete we kararlaryna sarpa goýmagyna garaşýandygymyzy aýdasym gelýär” diýen sözlerini okyjy köpçüliginiň dykgatyna ýetirýär.
“Haber Türk” gazeti “Hulusi Akardan ýüzlenmeler” söz başyly habarynda, Milli goranmak ministri Hulusi Akaryň Gresiýa bilen Gündogar Ortaýer deňizi meselesinde dowamm edýän düşnüşmezlik hakynda: “Biz gepleşik geçirilmeginiň tarapynda, ähli zat aç-açan, biz parahatçylyk, asudalyk, hakymyzy, hukugymyzy isleýäris. Grek kardeşlerimizi myhman almak bizi begendirer. Gelsinler, pikir alyşalyň” diýen sözlerini çap edýär.
“Sabah” gazeti “Ministr Warank strategik hyzmatdaşlyk hakynda maglumat berdi: “Goranyş konsepsiýalaryny özgerder” söz başyly habarynda, Senagat we tehnologiýa ministri Mustafa Warankyň düýn Ukrainanyň Wise-premýeri we Strategik institutlardan jogapkär ministr Oleg Uruskiý bilen duşuşandygyny ýazýar. Habarda ministr Warankyň: “Bütin dünýäniň ünsüni özünde jemleýän ýaragly dronlarymyzdan biz Ukraina berýäris we ol täze döwürde uly özgerlişikleri ýany bilen alyp geler, esasy goranyş konsepsiýalaryny üýtgeder” diýen sözlerine üns çekilýär.
“Watan” gazeti “Oruç Reis” üçin täze NAWTEKS” söz başyly habarynda, “Oruç Reis” gämisi üçin täze NAWTEKS-iň çykarylandygyny we gäminiň iş möhletiniň 1-nji sentýabra çenli uzaldylandygyny mälim edýär.
“Star” gazeti “Ägirt uly kruiz gämileri ugruny Türkiýä gönükdirdi” söz başyly habarynda, Türkiýäniň kruiz syýahatçylygynda ösüşiň dowam edýändigini, “Global Maýa Goýum Holding” kompaniýasynyň ýolbaşçysy Mehmet Kutmanyň “Kruiz firmalarynyň 2021-nji ýyl üçin isleg bildirmäge dowam etmegi beğendiriji. Ägirt kruiz gämileri ugruny Türkiýä gönüldirdi” diýen sözlerini okyjy köpçüliginiň dykgatyna ýetirýär.
