Türk metbugatynyň gysgaça mazmuny
Gün tertibiniň ileri tutulýan ugurlary hakyndaky habarlar gündelik gazetlerde giň seslenme döredýär
“Watan” gazeti “Erdogan “Iýerusalym 2018 Musulman dünýäsiniň ýaşlarynyň paýtagty” çäresiniň ýokary dolanşygynyň abraýly başlyklygyna saýlandy” söz başyly habarynda Prezident R. T. Erdoganyň “Iýerusalym 2018 Musulman dünýäsiniň ýaşlarynyň paýtagty” çäresiniň ýokary dolanşygynyň abraýly başlyklygyna saýlanandygyny ýazýar.
Yslam hyzmatdaşlyk guramasynyň çäginde iş alyp barýan Halkara Yslamy ýaşlar konferensiýasynyň dialog we hyzmatdaşlyk forumy bilen Palestinanyň Ýaşlar sport ministrligi tarapyndan geçirlen Iýerusalym 2018 Musulman dünýäsiniň ýaşlarynyň paýtagty” çäresi Palestinanyň Prezidenti Mahmud Abbasyň ýer eýeçiliginde Palestinada dabaraly ýagdaýda açyldy.
“Ýeni Şafak” gazeti Prezidentiň metbugat sekretary Ibrahim Kalyn Zeýtun şahajygy operasiýasy üstünlikli ýagdaýda dowam edýär” söz başyly habarynda Prezidentiň metbugat sekretary Ibrahim Kalynyň metbugata beren beýanatynda Türk ýaragly güýçleriniň Siriýanyň Afrin etrabynda geçirýän Zeýtun şahajygy operasiýasynyň üstünlikli ýagdaýda dowam edýändigine we operasiýada häzire çenli terror guramasy PÝD/PKK-a agza müňe golaý terrorçynyň täsirsiz ýagdaýa getirlendigine aýratyn ünsi çekdi.
“Star” gazeti “Türk esgeriniň Aden aýlagyndaky iş möhledi uzadyldy” söz başyly habarynda Premýer ministrligiň Türk ýaragly güýçleriniň Aden aýlagyndaky, Somaliniň suw giňişligindäki we Arap deňzindäki iş möhlediniň ýene-de bir ýyl uzadylmagy barasyndaky ygtyýarnamasynyň TBMM-de kabul edilendigini ýazýar.
“Haber Türk” gazeti “Çawuşogly Eýranda” söz başyly habarynda Daşary işler ministri Mewlüt Çawuşoglynyň resmi sapar bilen Eýrana gidendigini mälim edýär.
Mewlüt Çawuşogly saparynyň çäginde paýtagt Tähranda Eýranyň Daşary işler ministri Jawad Zarif bilen duşuşdy we Eýranyň Prezidenti Hasan Ruhany tarapyndan kabul edildi.
Özara duşuşyklarda iki ýurduň arasyndaky gatnaşyklar bilen sebitara we halkara meseleler ara alnyp maslahatlaşyldy.
“Hürriýet” gazeti ÝB ministri Ömer Çeligiň TBMM-de ÝB-ne utgaşyklyk komissiýasynyň başlygy we agzalary bilen duşuşandygyny mälim edýär.
Ministr Çelik duşuşykda “ÝB-ne bilen geçirlen wiza erkinligi gepleşiklerine Türkiýe öz üstüne düşýän jogapkärçiliklerini ýerine ýetirdi we 72 düzgüni berjeý etdi”diýdi.
