DKTR Moskwada Guralan Hüjümi Ýazgardy

Demirgazyk Kipr Türk Respublikasy Russiýanyň paýtagty Moskwada konsert zalynda guralan terrorçylykly hüjümi berk ýazgardy.

DKTR-nyň Daşary işler ministrliginden berlen beýannamada, 22-nji martda konsert zalynda guralan terrorçylykly hüjüm ýazgaryldy.

Beýannamada, hyýanatçylykly hüjüm sebäpli rus halkyna gynanç bildirildi.

DKTR-nyň Prezidenti Ersin Tatar hem sosial mediadan beren habarnamasynda onlarça adamyň ýogalmagyna we 100-den gowrak adamyň ýaralanmagyna sebäp bolan terrorçylykly hüjümi berk ýazgarýandygyny we rus halkyna duýgudaşlyk bildirýändigini nygtady.

Russiýanyň paýtagty Moskwada Krokus konsert zalynda 22-nji martda ýaragly adamlar tarapyndan hüjüm guralypdy.

Konsert zalyna giren hüjümçileriň çem gelen ýere od açmagy we konsert zalynyň üçeginiň ýanandygy sebäpli 133 adam ýogalypdy, 100-den gowrak adam hem ýaralanypdy.

Hüjümiň jogapkärçiligini terror guramasy DEAŞ öz üstüne aldy.

Hüjümi guran 4 terrorçy bilen birlikde 11 adam saklandy.