Bakuwda 74-nji Halkara Astronomiýa Maslahaty Öz Işine Başlady
Halkara Älem giňişligi federasiýasynyň guramagynda, Türkiýäniň Älem giňişligi gullugynyň platin hemaýatkärliginde geçirilýän maslahat Prezident Ilham Aliýewiň gatnaşmagynda açyldy.
Maslahatda Türkiýä Senagat we tehnologiýalar ministri Mehmet Fatih Kajyr, Türkiýäniň Älem giňişligi gullugynyň başlygy Serdar Hüseýin Ýyldyrym, T3 gaznasynyň Başlygy Selçuk Baýraktar we milli kosmonawtlar Alper Gezerawjy bilen Tuwa Jihangir Atasewer wekilçilik edýärler. Maslahata dünýäniň eszasy awiasiýa we kosmos tehnologiýalary sergisi TEKNOFEST-de taslama taýýarlan 500 bäsleşikçi gatnaşýar.
Maslahatda çykyş eden Prezident Aliýew ýurdunyň daşary syýasaty we ykdysadyýeti hakynda maglumat berip; “Daşary syýasatymyz doly açyk. Azerbaýjan Yslam Hyzmatdaşlyk Guramasyna we Ýewropa geňeşine agza. Ol, 200-den gowrak ýurt bilen gatnaşyk diýmekdir. Materiklerara ykdysady we geografik köpri pozisiýasyny eýeleýäris. Halkara hyzmatdaşlyklaryň ösmegine goşant goşýarys. Geografik pozisiýamyzy pozitiw ssenarileriň iş ýüzüne geçirilýän sebitine öwürdik” diýdi.
Azerbaýjanyň başlangyjy we gatnaşmagynda iş ýüzüne geçirilen energetika we ulag-ýol taslamalary hakynda-da durup geçen Aliýew; “Dünýäniň energiýa howpsuzlygyna goşant goşýarys. Azerbaýjan hyzmatdaşlyk edýän ýurtlary üçin iň ynamdar hyzmatdaşdyr” diýdi.
Azerbaýjanyň Prezidenti sebitdäki ýagdaý bilen Garabagy azat etmekleri hakynda-da durup geçip; “Azat eden ýerlerimizi gaýtadan dikeldýäris. İndi biz parahatçylyga we hyzmatdaşlyga gönükdik” diýdi.
101 ýurtdan 5 müňden gowrak gatnaşyjyny özünde jemlän maslahat diňlenşikler we sergiler bilen 6-njy oktýabra çenli dowam eder.
Degişli Habarlar
Jewdet Ýylmaz Ertir Özbegistana Gider
Jewdet Ýylmaz Özbegistanyň Prezidenti Şawkat Mirziýoýew bilen duşuşar.
