Azerbaýjanyň we Ermenistanyň Daşary Işler Ministrleri Telefon Arkaly Söhbetdeşlik Geçirdi
Iki kärdeş Ermenistan bilen Azerbaýjanyň arasynda parahatçylyk şertnamasynyň baglaşylmagy üçin taýarlyklaryň başlamagy meselesi hakynda pikir alyşdy.
Azerbaýjanyň Daşary işler ministri Jeýhun Baýramow, Ermenistanyň Daşary işler ministri Ararat Mirzoýan bilen telefon arkaly söhbetdeşlik geçirdi.
Azerbaýjan Daşary işler ministrliginden berlen beýannama görä, iki kärdeş telefon söhbetdeşliginde Ermenistan bilen Azerbaýjanyň arasynda parahatçylyk şertnamasynyň baglaşylmagy üçin taýarlyklaryň başlamagy meselesi hakynda pikir alyşdy.
Azerbaýjanyň Prezidenti Ilham Aliýew bilen Ermenistanyň Premýer-ministri Nikol Paşinýan 6-njy aprelde Belgiýanyň paýtagty Brýusselde geçiren duşuşygynda, parahatçylyk şertnamasynyň baglaşylmagy üçin taýarlyklaryň başlamagy meselesinde iki ýurduň daşary işler ministrliklerine görkezme berilmegi we üstümizdäki aýyň ahyryna çenli bilelikdäki komissiýasynyň döredilmegi barasynda ylalaşyk gazanypdy.
Degişli Habarlar
Azerbaýjan-Ermenistan Gepleşikleri Başlady
Iki ýurduň arasyndaky serhetleriň kesgitlenilmegi meselesi gün tertibinde esasy orun eýeleýär.
