Bursanyň Türk dünýäsiniň Medeni paýtagtynyň yglan edilmegi bilen bagly çäreler geçirilýär

Halkara Türk medeniýeti guramasy (TÜRKSOÝ) tarapyndan 2022 Türk dünýäsiniň medeni paýtagtynyň yglan edilen Türkiye Respublikasynyň Bursa şäherindäki resmi dabaralar Nowruz baýramy bilen baglanşykly geçirilýän çäreler bilen başlady. 

Nowruz baýramy gutlag komitedi tarapyndan Heýkel etrapçasyndaky Atatürk ýadygärligine gül çemenleriniň goýulmagyndan soň, welaýatyň häkimi Ýakup Janbolada semeni sowgat edildi. 

Ondan soň Adalat we ösüş partiýasynyň Bursa deputaty Atilla Ödünç, Bursanyň şäher häkiminiň wekili Süleýman Çelik, Ýyldyrym etrabynyň häkimi Oktaý Ýylmaz, Orhaneli etrabynyň häkimi Ali Akýurt we Büýükorhan etrabynyň häkimi Ahmet Korkmazyň gatnaşmagynda dabaraly ýöriş geçirildi. 

Uzyn Çarşy, Kapaly Çarşy we Jemhuriýet köçesinden soň 15-nji iýul Demokratiýa meýdançasynda tamamlanan ýörişden soň, dabara geçirildi. 

Bursanyň şäher häkiminiň wekili Süleýman Çelik, çärede eden çykyşynda, Nowruzyň topragyň oýanyşynyň, bahar paslynyň buşlykçysynyň, doganlygyň we dostlugyň simwolydygyny beýan etdi. 

Süleýman Çelik, Nowruzyň Osmanly döwründe dini baýramlardan daşary uly şowhun bilen bellenilip geçilendigini habar berdi. 

Çärede deputat Atilla Ödünç we häkimiň orunbasary Mustafa Gündogan bilen Nowruz baýramy gutlag komitedniň adyndan Azerbaýjan Medeniýet jemgyýetiniň başlygy Handan Askeran Ton hem çykyş etdiler. 

Dabara oduň üstünden bökülmeginden we halk tanslarynyň ýerine ýetirilmeginden soň tamam boldy. 

30-njy martda bolsa Bursanyň Türk dünýäsiniň Medeni paýtagtynyň yglan edilmegi bilen baglanşykly açylyş dabara DKTR-nyň Prezidenti Ersin Tatar, TDT Ýaşulylar geňeşiniň başlygy Binali Ýyldyrym, Medeniýet we syýahatçylyk ministri Mehmet Nuri Ersoý we welaýat häkimi Ýakup Janboladyň gatnaşmagynda Tofaş Ýapyk sport zalynda geçirildi.