Özbegistan uniwersitetlerde başatgyçlaryň gadagandygy baradaky öňe sürmeleriň nädogrydygyny belledi

Özbegistanda uniwersitetlerde başatgyçlaryň we uzyn ýubkalaryň gadagan edilendigi baradaky habarlaryň hakykata bap gelmeýändigini habar berdi. 

Özbegistanyň Ýokary okuw we hünär bilimleri ministrliginiň metbugat geňeşçisi Zafar Amirkulow, beren beýanatynda, Özbegistandaky uniwersitetlerde başatgyçlaryň we uzyn ýubkalaryň gadagan edilendigi baradaky sosial mediada we käbir metbugat organlarynda berilen habarlaryň hakykata bap gelmeýändigini belläp: "Özbegistanyň Ýokary okuw we hünär bilimleri ministrligi tarapyndan talyplaryň egin-eşikleri bilen baglanşykly hiç hili çäklendirme girizilmedi. Adam hukuklary we azatlyklary ileri tutýan ugrumyzdyr we oňa hormat goýarys" diýip habar berdi. 

Talyplaryň egin-eşikleri bilen baglanşykly düzgünleriniň adam hukuklaryna we azatlyklaryna laýyk ýagdaýda her bir uniwersitediň özüniň kesgitleýändigini aýdan Amirkulow, uniwersitetleriň başatgyçlar we uzyn ýubkalar babatynda talyplara hiç hili basyş etmändigini we çäklendirme girizmändigini, talyplaryň ol meselede erkindiklerini mälim etdi. 

Amirkulow, hakykata bap gelmeýän bular ýaly habarlaryň ýurdyň abraýyna zeper ýetirmek üçin edilýän başlangyçdygyny beýan etdi.