Türki Dilli Döwletleriň Hyzmatdaşlyk Geňeşiniň 8-nji Sammiti Öz Işine Başlady

Türki dilli döwletleriň hyzmatdaşlyk geňeşiniň 8-nji sammiti Prezident R.T.Erdoganyň ýer eýeçiliginde Stambulyň Demokratiýa we azatlyklar adasynda öz işine başlady.

Sammite Azerbaýjanyň Prezidenti Ilham Aliýew, Gazagystanyň Prezidenti Kasym Jomart Tokaýew, Gyrgyzystanyň Prezidenti Sadyr Japarow, Özbegistanyň Prezidenti Şawkat Mirziýoýew bilen synçy ýurt Wengriýanyň Premýer-ministri Wiktor Orban ganaşýar.

Türkmenistanyň döwlet Ýolbaşçysy Gurbanguly Berdimuhamedow hem synçy ýurt derejesinde geňeşe ilkinji gezek gatnaşýan Türkmenistana wekilçilik edýär.

Prezident Erdogan, ilki Soltanahmetde Türk Geňeşiniň sekretariatynyň merkezi binasynyň açylyş dabarasyna gatnaşdy.

Açylyş dabarasyna Türk Geňeşine agza ýurtlaryň döwlet baştutanlary, Daşary işler ministri Mewlüt Çawuşogly, Adalat we ösüş partiýasynyň başlygynyň wekili Binali Ýyldyrym bilen birlikde myhmanlar gatnaşdy.

Prezident Erdogan bilen myhmanlary soň Türki dilli döwletleriň hyzmatdaşlyk geňeşiniň 8-nji sammitiniň geçiriljek ýeri bolan Demokratiýa we azatlyklar adasyna gitdi.

Sammitde Türk geňeşiniň adyny “Türk döwletleri guramasy” hökmünde üýtgedilmegi we gelejek 20 ýyllyk döwür üçin Garaýyş resminamasy bilen birlikde guramanyň düzümleri hem-de geljegi bilen bagly kararlaryň kabul edilmegine garaşylýar.

Prezident R. T. Erdogan sammitiň çäginde Türkmenistanyň döwlet Ýolbaşçysy Gurbanguly Berdimuhamedow bilen duşuşdy.

Prezident Erdoganyň sammitiň çäginde şu gün beýleki kärdeşleri bilen hem özara duşuşyk geçirmegine garaşylýar.