DKTR-da Ýangyn Söndüriş Dik Uçary Iş Alyp Barar
Oba we tokaý hojalygy ministrliginiň Tokaý hojalygy Baş müdirligi Demirgazyk Kipr Türk Respublikasyna ýangyn söndüriş dik uçaryny ugratdy
Paýtagt Nikosiýadaky Senagat zolagynda Tokaý hojalygy edarasynyň ýerleşýän zolagyna ornaşdyrylan dik uçar DKTR-nyň Oba hojalygy we tebigy serişdeler ministri Nazym Çawuşogly tarapyndan kabul edilip alyndy.
Çawuşogly Tokaý hojalygy Baş müdirliginiň DKTR-na ugradan ýangyn söndüriş dik uçarynyň 2010-njy ýyldan bäri tokaý ýangynlaryna garşy göreşmek üçin gol çekişilen teswirnama laýyklykda ugradylandygyny aýtdy.
Ýangynlara garşy netijeli göreşmek üçinn dik uçarlaryň möhümdigine ünsi çeken Çawuşgoly, ýurduň maliýe şertleriniň şeýle dik uçary almak ýa-da ýurda getirmek üçin amatly bolmandygyny, şol sebäpli dik uçaryň Prezident R.T.Erdoganyň başda durmagynda Türkiýäniň ýolbaşçylarynyň goldawy netijesinde DKTR-na ugradylandygyny nygtady.
Dik uçaryň Demirgazyk Kipr Türk Respublikasyna ugradylmagy üçin görkezme beren Prezident Erdogana we degişli ýolbaşçylara sagbolsun aýdan Çawuşogly dik uçaryň uçarmanyndan we tehiniki topardan maglumat aldy.
Degişli Habarlar
Azerbaýjan-Ermenistan Gepleşikleri Başlady
Iki ýurduň arasyndaky serhetleriň kesgitlenilmegi meselesi gün tertibinde esasy orun eýeleýär.
