Daglyk Garabag Operasiýasynda Şehit Bolan Esgerleriň Sany 2 Müň 823-e Ýetdi
Käbir jesetleriň şahsyýetleriniň anyklanmagy bilen operasiýada şehit bolan esgerleriň sany 2 müň 823-e ýetdi
![Daglyk Garabag Operasiýasynda Şehit Bolan Esgerleriň Sany 2 Müň 823-e Ýetdi](http://cdn.trt.net.tr/images/xlarge/rectangle/0777/78dd/7f12/5fcb2fda19072.jpg?time=1719219172)
Azerbaýjanyň goşunlarynyň, Daglyk Garabagda territoriasyny halas etmek üçin başladan operasiýasynda 2 müň 823 esgeriň şehit bolandygy habar berildi.
Azerbaýjanyň Goranmak ministrligi 27-nji sentýabrda başlan we 10-njy noýabrda Ermenistanyň ýeňilendigini kabul edýän şertnama gol goýmagy bilen bes edilen söweşde çekilen ýitgi hakyndaky soňky görkezijiler barada maglumat berdi.
Ozal 2 müň 802 esgeriň şehit bolandygy habar berlipdi. Käbir jesetleriň şahsyýetleriniň anyklanmagy bilen operasiýada şehit bolan esgerleriň sany 2 müň 823-e ýetdi.
Azerbaýjanyň goşunlarynyň 27-nji sentýabrda başladan operasiýasynda 5 şäher merkeziniň, 4 şäherçäniň we 286 obanyň basyp alyşlykdan halas edilmeginden soň Ermenistan ýeňilendigini kabul edipdi we basyp alyşlygy astyndaky Agdam, Laçyn we Kelbejer welaýatlaryndan hem çekilipdi.
Degişli Habarlar
![Gyrgyzystan Hytaý-Gyrgyzystan-Özbegistan demir ýol taslamasy ylalaşygyny tassyklady](http://cdn.trt.net.tr/images/medium/rectangle/e010/d670/914d/6672cf2548df6.jpg?time=1719219172)
Gyrgyzystan Hytaý-Gyrgyzystan-Özbegistan demir ýol taslamasy ylalaşygyny tassyklady
Gyrgyzystanyň mejlisi Hytaý-Gyrgyzystan-Özbegistan demir ýol taslamasy ylalaşygyny tassyklady
![Türkiye Azerbaýjanyň geljegine goşant goşýar](http://cdn.trt.net.tr/images/medium/rectangle/6e67/9b77/98a9/66716af7bff4b.jpg?time=1719219172)
Türkiye Azerbaýjanyň geljegine goşant goşýar
Türkiye dostlukly we doganlyk ýurt Azerbaýjanyň “geljegine nepes" bolýar