Azerbaýjan ylalaşygyň düzgünini bozan Ermeni güýçlerine ýitgi çekdirdi

Azerbaýjanyň goşuny, front liniýasynyň tapawutly ugurlarynda düýn gije Azerbaýjanly esgerlere we asuda ilatyň ýaşaýan ýerlerine od açan Ermenistanyň harby güýçlerine ýitgi çekdirdi. 

Azerbaýjanyň Goranmak ministrliginden berilen beýanatda, çaknyşyklaryň esasan hem front liniýasynyň Agdere, Agdam, Hojawend we Gubadly ugurlary boýunça dowam edýändigi mälim edildi. 

Ermenistanyň harby güýçleriniň front liniýanyň käbir ýerlerinde esger we harby enjam ýitgisini çekip, yza çekilmäge mejbur galandygy aýdylýan beýanatda, frontyň Azerbaýjanyň gözegçiligi astyndadygy habar berildi. 

Beýanatda, Ermenistanyň goşunynyň iki ýurdyň serhedindede ylalaşygyň düzgünini bozandygy, Ermenistanyň territoriýasyndan Towuz, Gedebeý we Daşkesen welaýatlaryndaky Azerbaýjanyň söweşjeň liniýalaryna od açandygy aýan edildi.