Azerbaýjan we Ermenistan Daglyk Garabag meselesini ara alyp maslahatlaşdylar
Taraplar öňümizdäki aý ýaňadandan wideo konferensiýa arkaly maslahat geçirmek babatynda ylalaşdylar
Azerbaýjanyň Daşary işler ministri Elmar Memmedýarow we Ermenistanyň Daşary işler ministri Zohrab Mnatsakanýan, Daglyk Garabag meselesiniň çözüwi bilen baglanşykly wideoşekilli göni aragatnaşyk arkaly maslahat geçirdiler.
Wideoşekilli göni aragatnaşyk arkaly maslahata ÝHHG-nyň Minsk toparynyň resmisi rus Igor Popow, fransuz Stefan Wiskonti, amerikaly Endrýu Şofer we ÝHHG-nyň Ýörite wekili Andžeý Kasprşik gatnaşdylar.
Azerbaýjanyň Daşary işler ministrliginden berilen ýazmaça beýanata görä, taraplar çözüw etabynyň häzirki ýagdaýyny ara alyp maslahatlaşdylar.
Ýolbaşçylar soňky wagtlarda taraplaryň agressiw beýanatlarynyň artandygyny belläp, bu babatdaky aladalaryny belläp geçdiler.
Azerbaýjanyň Daşary işler ministri Elmar Memmedýarow, gabaw astyndaky Azerbaýjanyň topraklarynda Ermenistanyň gurýan bikanun ýaşaýyş ýerlerini we ol ýerleriň infrastrukturalaryny gün tertibe getirdi.
Memmedýarow agressiw beýanatlaryň artmagynyň Ermenistanyň öjükdiriji hereketleriň sebäp boýandygyny habar berdi.
Taraplar öňümizdäki aý ýaňadandan wideo konferensiýa arkaly maslahat geçirmek babatynda ylalaşdylar.
