Atambaýew Gyrgyzystandaky Amerikan bazasy barada täsin maglumat berdi

Yssyk gölüniň kenaryndaky Çolpan Ata şäherinde metbugat işgärleriniň soraglaryna jogap beren Atambaýew 2011-nji ýylda Manas halkara howa menziline ýerleşdirilen we 2014-nji ýylda ol ýerden çykarylan ABŞ harby bazasy bilen balnaşykly täsin maglumatlar berdi.

Almazbek Atambaýew: “Russiýanyň we Hytaýyň asuda we parahat Gyrrgyzystana zerurlygy bar. Emma käbir ýurtlar tapawutly zatlaryň meýlinde. ABŞ-niň Döwlet sekretarylygynyň demokratlar zamanasynda alyp baran syýasatyna oňyn garamaýaryn. 2014-nji ýylda käbir ýurtlar eger gerek bolan halatynda Amerikan uçarlaryna raketalar bilen hüjüm gurajakdyklaryna we adamlarymyza zeper ýetip biljekdiklerine açyk ýagdaýda aýtdylar” diýdi.

ABŞ-ni sebitiň ýurtlarynyň içerki işlerine garjaşmak bilen günäkärlän Atambaýew Özbegistanyň ozalky Prezidenti Yslam Kerimowyň suw sebäpli Orta Aziýada söweşiň ýüze çykyp biljekdigi barada aýdan sözlerini ýatladyp: “Bu beýanatyň edil yz ýany amerikalylar Özbegistana her biri 1 million dollar gymmadyndan bolan 328 sany sowutly ulag satdy. Ine olaryň demokratiýasynyň gymmady. Olar iki dogan halk bolan gyrgyzlary we özbekleri biri-birleri bilen uruşdyrmaga synanyşdy” diýdi.