Gyrgyzystanyň Prezidenti Atambaýew Russiýada bejergi alar
Gyrgyzystanyň Prezidenti Almazbek Atambaýewiň Russiýanyň paýtagty Moskwada bejergi aljakdygy mälim edildi
575630
Almazbek Atambaýew Nýu-Ýork şäherindäki BMG-nyň 71-nji sessiýasyna gatnaşmak üçin Stambul Atatürk howa menzilinde uçara münjek mahaly ýarawsyzlanypdy we döş agyrysy sebäpli lukmanlar tarapyndan barlagdan geçirilipdi.
Lukmanlaryň maslahatyna laýyklykda Nýu-Ýork saparyny goý bolsun eden Gyrgyzystanyň Prezidenti Atambaýew Izmir welaýatynyň Çeşme etrabyndaky myhmanhanalaryň birinde lukmanlaryň gözegçiligi astynda birnäçe wagt galypdy.
Gyrgyzystanyň Prezident diwany tarapyndan berilen beýanatda: “Prezident Atambaýew Russiýanyň we hünärmen lukmanlaryň çakylygyna laýyklykda Moskwa gitdi” diýilýär.
Beýanatda Atambaýewiň bejergisiniň Russiýa Federasiýasynyň Döwlet ýolbaşçysynyň Merkezi kliniki hassahanasynda dowam etdiriljekdigi mälim edildi.
