Prezident Erdogan Kerimowyň aradan çykmagy sebäpli özbek halkyna gynanç bildirdi

Prezident R. T. Erdogan Özbegistanyň Prezidenti Yslam Kerimowyň aradan çykmagy sebäpli özbek halkyna gynanç bildirdi.

Prezident Erdogan Özbegistanyň Senadynyň başlygy Nigmatullah Ýoldaşewe, Premýer ministr Şewket Mirzaýewe we merhumyň ýan ýoldaşy Tatýana Akbarowna Kerimowa duýgudaşlyk ýüzlenmesini ugratdy.

Türk halkynyň adyndan özbek halkyna gynanç bildiren Prezident Erdogan ýüzlenmesinde Özbegistanyň soňky çärýek asyrda uly öňe gidişlik edendigini we ýerleşýän sebitinde hem-de dünýäde esasy ýurt ýagdaýyna gelendigine ünsi çekdi.

Prezident Erdogan ýüzlenmesinde Türkiýäniň we Özbegistanyň sebitara we halkara derejesinde ýakyndan hyzmatdaşlyk etmäge dowam etjekdigini nygtady.