Azerbaýjanyň we Ermenistanyň Prezidentleriniň duşuşmaklary üçin diplomatik tagalla başladyldy

Azerbaýjanyň we Ermenistanyň Prezidentleri Ilham Aliýew bilen Serž Sarkisýanyň geljek hepde Wenada duşuşmaklary üçin diplomatik tagalla başladyldy.

Ýewropada Howpsyzlyk we hyzmatdaşlyk guramasynyň Minsk toparynyň egindeş baştutanlary rus İgor Popow, amerikaly Jeýmes Warlik, we fransiýaly Pierre Andrieu mesele hakynda beren ýazmaça beýanatynda Garabag meselesiniň çözülmegi maksady bilen  töwellaçy hökmünde jogapkärçilikleriniň dowam edýändigini nygtady.

Daglyk Garabagdaky front liniýasynda Azerbaýjanyň we Ermenistanyň ýaragly güýçleriniň arasyndaky çaknyşyklar 2-nji aprelde ýaňadandan başlady we 5-nji aprelde taraplaryň arasynda geçirlen gepleşikler netijesinde çaknyşyklar bes edilýär.

Ýewropada Howpsyzlyk we hyzmatdaşlyk guramasynyň Minsk topary Ermenistan bilen Azerbaýjanyň arasyndaky Daglyk Garabag meselesiniň parahatçylykly ýagdaýda çözülmegini höweslendirmek we taraplaryň arasynda töwellaçylyk etmek üçin 1994-nji ýyldan döredilýär.