Nowruz baýramyna bagyşlan çäreleriň geçirilmegi howpsyzlyk sebäpli gadagan edildi
“Mart aýynyň 19-y, 20-y we 21-i aralygyna Nowruz baýramyna bagyşlanyp haýsydyr bir çäräniň geçirilmegine rugsat berilmeýär"
Ankaranyň welaýat häkimligi Nowruz baýramyna bagyşlan çäreleriň we ýörişleriň geçirilmegine rugsat berilmejekdigini mälim etdi.
Welaýat häkimligi tarapyndan berlen beýanatda “Mart aýynyň 19-y, 20-y we 21-i aralygyna Nowruz baýramyna bagyşlanyp haýsydyr bir çäräniň geçirilmegine rugsat berilmeýär" diýildi.
Stambulda hem Halklaryň demokratik partiýasynyň Bakyrköý etrabyna Nowruz baýramynyň bellenilip geçirilmegi baradaky arzasy howpsyzlyk sebäpli kabul edilmedi.
Şyrnak welaýatynda hem Nowruz baýramyna bagyşlanan çäreleriň geçirilmegi gadagan edildi.
Tunjeli, Erzurum, Btaman, Bingöl, Muş, Erzinjan we Kars welaýatlarynda hem Nowruz baýramyna bagyşlanan çäreleriň geçirilmegi howpsyzlyk sebäpli gadagan edildi.
Beýleki tarapdan Halklaryň demokratik partiýasy tarapyndan “Biz Nowruz baýramyny dabaraly ýagdaýda belläp geçeris" diýlen beýanat berildi.
