Moskwada guralan terrorçylykly hüjümde ýogalanlaryň sany 140 adama ýetdi

Russiýanyň Goranmak ministrligi Mihail Muraşko 22-nji martda "Krokus Siti Holl" konsert zalynda guralan terrorçylykly hüjüm sebäpli ýaralanan adamlaryň bejergileriniň dowam edýändigini habar berdi.

Bejergi alýan adamlaryň ýene-de biriniň ýogalmagy bilen ýogalanlaryň sanynyň 140 adama ýetendigini aýdan Mihail Muraşko, 19-synyň saglyk ýagdaýy agyr 80 adamyň bejergisiniň bolsa dowam edýändigini mälim etdi. 

Russiýanyň paýtagty Moskwa şäherindäki "Krokus Siti Holl" konsert zalynda 22-nji mart güni agşam terrorçylykly hüjüm guralypdy. 

Russiýanyň Döwlet baştutany Wladimir Putin hüjümi guran 4 terrorçy bilen birlikde jemi 11 adamyň tussag edilendigini habar beripdi.