ABŞ Ukraina Harby Kömegini Dowam Etdirer
ABŞ-nyň Goranmak ministri Lloýd Ostin ukrain kärdeşi Rüstem Umerowa Russiýa bilen söweşinde Ukraina goldawyň dowam etjekdigini beýan etdi.
ABŞ-nyň Goranmak ministrliginden berilen beýannamada iki ministriň telefon arkaly söhbetdeşliginde Russiýa-Ukraina söweşindäki soňky wakalar hakynda pikir alyşandygy mälim edildi.
Beýannamada; “Ministr Ostin ABŞ bilen 50 ýarandan we hyzmatdaşdan ybrat bolan koalisiýamyzyň rus agressiýasyna garşy dowam edýän göreşinde Ukrainany goldamaga dowam etjekdigini nygtady” diýilýär.
Ostin Umerowyň ABŞ-nyň Prezidenti Jo Baýdeniň goşmaça milli howpsuzlyk taslamasynyň gyssagly kabul edilmegi boýunça ylalaşýandyklaryna üns çekilen beýannamada, ministrleriň mesele boýunça ýakyn aragatnaşyk saklajakdyklary aýdylýar.
Umerow sosial media platformasy X arkaly beren habarnamasynda Ostine söweş meýdanyndaky ýagdaý hakynda maglumat berendiklerini nygtap, amerikaly kärdeşi bilen “netijelşi” hepdelik gepleşik geçirendigini beýan etdi.
Ukraina we Ysraýyla goşmaça harby kömek berilmegini öz içine alýan 95 milliard dollarlyk bukja, Senatda kabul edilip, Wekiller Palatasynyň garamagyna berilipdi. Mejlisiň Başlygy Mik Jonson şol taslamany günorta serhet boýunça howpsuzlyk çäreler görülmese, kabul edilmejekdigini aýdypdy.
Degişli Habarlar
Aş Şebaba Agza 70 Terrorçy Täsirsiz Ýagdaýa Getirildi
Somaliniň goşuny Aş Şebaba garşy guraýan operasiýalarynyň depginini güýçlendirýär.
Hindistanda Myhmanhanada Bolan Ýangynda 6 Adam Ýogaldy
Ýangynda 6 adamyň ýogalandygy, 20 adamyň halas edilendigi bellenildi.