BMG Ysraýyla Ýarag Satuwynyň Togtadylmagy Üçin Çagyryş Etdi

BMG-niň bilermenleri Ysraýyla ýarag satuwynyň gadagan edilmegi boýunça ýazmaça beýannama berildi.

“Gazada ulanyljakdygy we halkara hukuk kadalarynyň bozuljakdygy sebäpli Ysraýyla ýarag satuwy dessine togtadylmaly” diýilýän beýannamada, ähli döwletleriň 1949-njy ýylda kawbul edilen Ženewa konwensiýalaryna we halkara hukuk kadalaryna laýyklykda ýaragly çaknyşygyň taraplarynyň halkara gumanitar hukuga “sarpa goýulmagyny” üpjün etmelidigi nygtalýar.

Gollandiýada Ýokary kazyýetiň halkara gumanitar kanun bozmalary sebäpli Ysraýyla F-35 harby uçarynyň ätiýaç şaýlarynyň satuwynyň bes edilmegi hakyndaky kararyna kanagatlanma bildirilýän beýannamada, kazyýetiň ätiýaç şaýlaryň halkara gumanitar hukugyň düýpli bozulmalaryny ýola goýmak ýa-da şol kanun bozmalary ýeňilleşdirmek üçin peýdalanylmagy boýunça “açyk howp” bolup durýanlygynyň anyklanandygy ýatladylýar.

Beýannamada 7-nji oktýabrdan bäri 29 müňden gowrak palestinalynyň öldürilendigi we 69 müňden gowragynyň ýaralanandygy ýatladylyp, Ysraýylyň halkara hukuk kadalaryny berjaý etmegi üçin ençeme gezek edilen çagyryşlara biperwaý çemeleşendigine üns çekilýär.