Hasabat: "Rus raketasynda Günbatar döwletlerine degişli bölekler bar"
Russiýanyň geçen aý Ukraina garşy ulanan Demirgazyk Koreýa önümi bolan ballistik raketada, amerikan we ýewropaly kärhanalara degişli bölekleriň tapylandygy öňe sürüldi
ABŞ-nyň CNN telewideniýe kanaly tarapyndan berilen habara görä, Çaknyşyklary we ýaraglary öwrenmek guramasy (CAR) Russiýa tarapyndan Ukrainanyň Harkow şäherine atylan Demirgazyk Koreýa degişli bolan ballistik raketanyň 290 aýry bölegini gözden geçirdi.
CAR tarapyndan taýarlanan hasabatda ady agzalan ballistik raketanyň bölekleriniň 75 göteriminiň merkezi ABŞ-da ýerleşýän kärhanalara degişli firmalar tarapyndan öndürilendigi we satylandygy, 16 göteriminiň Ýewropanyň kärhanalaryna, 9 göteriminiň Aziýadaky kärhanalara degişligi öňe sürüldi.
ABŞ-da Prezident Jo Baýdeniň ýolbaşçylyk etemgindäki hökümet 2022-nji ýylda Eýran ýaly ýurtlaryň Günbatar tarapyndan öndürilen tehnologiýalara elýeterliginiň öňüni almak üçin käbir eksport çäklendirmelerini we käbir sanksiýalary girizipdi.
CAR tarapyndan geçen ýyl taýarlanan hasabatda, Eýranda öndürilen uçarmansyz uçarlaryň Russiýanyň Ukraina garşy ulanan bölekleriniň 82 göteriminiň ABŞ-nyň kärhanalary tarapyndan öndürilendigi öňe sürülipdi.
Degişli Habarlar
Döwlet Sekretarlygynyň Metbugat Sekretary Ýurdunyň Gaza Syýasaty Sebäpli Wezipesinden Çekildi
Hala Gharrit, ýurdunyň alyp barýan Gaza syýasatyna garşylyk görkezmek üçin wezipesinden çekildi.
