Ukraina Russiýa degişli desant gämisine reketalar bilen hüjüm gurady
Ukrainanyň Harby-howa güýçleri, birtaraplaýyn häsýetde anneksiýa edilen Krymda Russiýa degişli desant gämisini nyşana alyp, ýok edendiklerini mälim etdi
Russiýa bilen Ukrainanyň arasynda Krymda we onuň töwereginde çaknyşyklar dowam edýär.
Ukrainanyň Harby-howa güýçleri tarapyndan berilen beýanatda, ýerli wagt bilen sagat 02:30-da Feodosiýa şäherçesiniň golaýyndaky suw giňişliginde guralan howa hüjüminde rus Gara deňiz flotyna degişli "Nowoçerkassk" desant gämisiniň raketalar bilen nyşana alynandygy aýan edildi.
Ukrainanyň Harby-howa güýçleriniň serkerdesi Mykola Oleşşuk beren beýanatynda: "Russiýanyň floty barha kiçelýär. Harby-howa güýçlerimiziň uçarmanlaryna we operasiýa gatnaşanlara minnetdarlyk bildirýärin" diýip belledi.
Russiýanyň Krym gubernatory Sergeý Aksýonow bolsa Ukrainanyň howa hüjümlerinde 1 adamyň ýogalandygyny, 2 adamyň hem ýaralanandygyny habar berdi.
Ukraina tarapyndan guralan hüjüm sebäpli şäherçäniň portynda ýangynyň ýüze çykandygyny we oduň gysga wagtda gözegçilik astyna alynandygyny aýdan Aksýonow, ähli adatdan daşary gulluklaryň meýdandygyny we ençeme öýüň ewakuasiýa edilendigini belledi.
Russiýanyň Goranmak ministrligi hem hüjümlerde gämä zeper ýetendigini nygtady.
Ukrainanyň Harby-howa güýçleri düýn ýerli wagt bilen sagat 18:30-dan başlap şu gün 03:00-a çenli Russiýanyň Eýran önümi bolan uçarmansyz howa ulaglary bilen Ukraina hüjümler gurandygyny aýan etdi.
Beýanatda 19 uçarmansyz howa ulagynyň 13-iniň Odessa, Herson, Nikolaýew we Hmelnitskiý sebitlerinde ýok edilendigi beýan edildi.
Degişli Habarlar
Döwlet Sekretarlygynyň Metbugat Sekretary Ýurdunyň Gaza Syýasaty Sebäpli Wezipesinden Çekildi
Hala Gharrit, ýurdunyň alyp barýan Gaza syýasatyna garşylyk görkezmek üçin wezipesinden çekildi.
